இந்த பேரிச்சம்பழத்தை தான் இந்தனை நாட்களாக தின்றோமா..?

கண்ணுக்கு விருந்தாக அமைபவை தான் உண்ண தகுந்தவையாக இருக்கும் என்ற எண்ணம் நம் மனதில் ஆழமாக வேரூன்றி விட்டது.

இன்று அதை வைத்து தான் பல் விபரீத உணவு போர்களும் அரங்கேற்றம் செய்யப்படுகின்றன. உண்ண தகுதி இல்லாத உணவை கூட கண்ணை கவரும் வண்ணங்களை சேர்த்து அலங்கரித்து விட்டால், அதையும் வாங்கி செல்ல ஒரு கூட்டம் உள்ளது.

அந்த வகையில் மிகுந்த சத்து கொண்டது என்று கூறப்படும் பேரிச்சம் பழங்களிலும் பல விபரீதங்கள் அரங்கேறி வருகிறது.

பழங்களிலேயே தனிச்சுவை கொண்டது பேரிச்சம் பழம். தரமான, நல்ல சத்துள்ள பேரிச்சம் பழங்கள் ஆப்ரிக்க, அரேபிய நாடுகளிலேயே விளைகிறது. பேரிச்சம் பழத்திற்கு இரத்தத்தை விருத்தி செய்யும் ஆற்றலும், இரத்தத்தை வளப்படுத்தும் இயல்பும் உண்டு.

தினமும் இரவில் 4 பேரிச்சம் பழங்களை சாப்பிட்டுவிட்டு பின் ஒரு டம்ளர் பால் குடித்து வந்தால் போதும் இரத்தம் விருத்தி அடைவதோடு, உடலில் தெம்பும், வலிமையும் கூடும்.

உடலில் சர்க்கரைத் தன்மை குறைந்து சோர்வடையும் போது, சில பேரிச்சம் பழங்களைப் சாப்பிட்டாலே போதும் உடனே ரத்தத்தில் சர்க்கரைத் தன்மையை அதிகரித்து உடலை சமநிலைக்கு கொண்டுவரும்.

பேரிச்சம் பழத்தில் வைட்டமின் ஏ சத்து அதிகமாக உள்ளது. ஒரு அவுன்ஸ் பேரிச்சம் பழத்தில் 170 மில்லி கிராம் வைட்டமின் ஏ சத்து அடங்கியுள்ளது. மேலும் பி1 வைட்டமின் 26 மில்லி கிராமும், பி2 வைட்டமின் 9 மில்லி கிராமும் உள்ளது.

இரும்புச் சத்து 30 மில்லி கிராமும், சுண்ணாம்புச் சத்து 20 மில்லி கிராமும் உள்ளது.
பழங்களில் சிலவற்றை நேரடியாக அப்படியே சாப்பிடலாம், சிலவற்றை காயவைத்து பதப்படுத்தி சாப்பிடலாம்.

பழங்கள் அனைத்தும் மருத்துவக் குணம் கொண்டவை. அதில் பாலைவனப் பகுதி மக்களுக்கு எளிதில் கிடைக்கும் பழங்களில் பேரீச்சம்பழம் முதலிடம் வகிக்கிறது.

இது மிகவும் சத்துள்ள பழமாகும். குழந்தைகள் முதல் பெரியவர்கள் வரை அனைவரும் விரும்பி சாப்பிடும் பழம். இப்பழங்கள் அரபு நாடுகளிலிருந்து இறக்குமதி செய்யப்படுகிறது.

பதப்படுத்தப்பட்ட இந்த பழங்கள் எவ்வளவு ஆண்டுகள் ஆனாலும் கெட்டுப் போகாமல் இருக்கும். ஆயுர்வேத, யுனானி, சித்த மருத்துவத்தில் பேரீச்சம்பழம் முக்கிய இடம் வகிக்கிறது.

சூரிய சக்திகள் அனைத்தையும் தன்னுள்ளே கொண்ட பழம்தான் பேரீச்சம் பழம். இந்த பழத்தில் இரும்புச் சத்து, கால்சியம்சத்து, வைட்டமின் ஏ, பி, பி2, பி5 மற்றும் வைட்டமின் இ சத்துக்கள் நிறைந்துள்ளன.

இப்படி சரிவிகித உணவுகளுக்கு நிகராக சத்து இருக்கும் பேரிச்சம் பழத்தை அதன் மினு மினுக்கும் அழகை பார்த்து வாங்கி செல்பவர்கள் பலர்.

அந்த அழகும், அதன் நிறமும் எப்படி வந்தது என்பதை கீழே இருக்கும் வீடியோவில் பார்த்தல் தெள்ளத்தெளிவாக தெரிந்து கொள்ளலாம்.