காங்கேசன்துறையில் இருந்து காலிக்கு பாரிய அளவிலான பயணிகளுடன் பயணித்த யாழ்தேவி ரயிலுக்கு ஏற்படவிருந்த பாரிய விபத்தை நபர் ஒருவர் தடுத்துள்ளார்.

வடக்கு ரயில் வீதியின் 108 3/4 கிலோ மீற்றர் மைல் கல் அருகில் ரயில் பாதை இராண்டாக உடைந்திருந்த நிலையில் ஏற்படவிருந்த விபத்து தடுக்கப்பட்டுள்ளது.

எனினும் இதனை அவதானித்த நபர் ஒருவர் சிவப்பு நிறத்திலான துணியை ரயிலை நோக்கி அசைத்து ஆபத்தினை தெரியப்படுத்தினார். இதனை உணர்ந்து கொண்ட ரயில் சாரதியை ரயிலை பாதுகாப்பாக நிறுத்தியுள்ளார்.

தம்புக்த்தேகமவில் வசிக்கும் அங்கவீனமுற்ற இரண்டு பிள்ளைகளின் தந்தை ஒருவரே பாரிய அனர்த்தத்தை தடுத்துள்ளார்.

வெளிநாட்டில் இடம்பெற்ற விபத்தொன்றில் கண்களை இழந்த 44 வயதான W.விஜித என்ற நபர் திறமையாக செயற்பட்டமையால் ஆயிரக்கணக்கான உயிர்களை காப்பாற முடிந்துள்ளது.

நேற்று மாலை 3.25 அளவில் பௌணர்மி என்பதனால் விகாரைக்கு செல்வதற்காக வடக்கு ரயில் பாதை ஊடாக பயணித்துக் கொண்டிருந்த சந்தர்ப்பத்தில், வடக்கு ரயில் பாதையின் 10 இலக்கம் பெதிவெவ கிராமத்திற்கு அருகில் (தபுத்தேகம மற்றும் சேனரத்கம ரயில் பாதைக்கு இடையில்) ரயில் பாதை கிட்டத்தட்ட 3 அடி அளவில் உடைந்து பிரிந்து சென்றிருந்தனை கண்ட மக்கள் இது தொடர்பில் பொலிஸ் அவசர இலக்கத்தில் உடனடியாக அறிவித்துள்ளனர்.

அந்த அறிவிப்பு மேற்கொண்டு சில நிமிடங்கள் செல்வதற்கு முன்னர் பயணிகளை ஏற்றிக் கொண்டு தபுத்தேகமயில் இருந்து செனர்த்கம நோக்கி வேகமாக பயணித்த ரயில் ஒன்றின் சத்தத்தை கேட்ட விஜத, உடனடியாக தனது வீட்டிற்கு சென்று சிவப்பு நிறத்திலான ஆடை ஒன்றை எடுத்து வந்து ரயில் வீதியில் விபத்தொன்று ஏற்படும் என்பதனால் ரயில் உடனடியாக நிறுத்துமாறு ரயில் ஓட்டுநருக்கு எச்சரிக்கை அசைவுகளை மேற்கொண்டுள்ளார்.

ஆபத்தென்பதனை அறிந்த ரயில் ஓட்டுநர் உடனடியாக ரயிலை நிறுத்தும் நடவடிக்கையினை மேற்கொண்டுள்ளார்.. ரயிலை நிறுத்திய சாரதி உட்பட அதிகாரிகள் ரயில் பாதையை அவதானித்த போது ரயில் பாதையின் ஒரு பகுதி உடைந்திருப்பதை கண்டுபிடித்துள்ளனர்.

குறித்த நபர் சரியான நேரத்தில் இந்த ரயிலை நிறுத்துவதற்கு நடவடிக்கை மேற்கொள்ளவில்லை என்றால் பாரிய விபத்தொன்று ஏற்பட்டிருக்கும் என அதிகாரிகள் சுட்டிக்காட்டியுள்ளனர்.

குறித்த சந்தர்ப்பத்தில் கிட்டத்தட்ட 2500 மேற்பட்ட பயணிகள் யாழ்தேவியில் பயணித்துள்ளதாக தெரிவிக்கப்படுகின்றது.

இலங்கையில் ஆட்கடத்தலும் சித்திரவதைகளும் இராணுவம் உள்ளிட்ட அரச படையினராலும் புலனாய்வுப் பிரிவினராலும் திட்டமிட்ட வகையில் முன்னெடுக்கப்பட்டு வருவதாக குறிப்பிட்டுள்ள சர்வதேச உண்மை மற்றும் நீதிக்கான அமைப்பின் நிறைவேற்றுப் பணிப்பாளர் யஸ்மின் சூக்கா, இலங்கை படையினரின் மரபணுக்களின் இவ்வாறான செயல்கள் ஆழமாக உறைந்துபோயுள்ளதென குறிப்பிட்டுள்ளார்.

இலங்கையில் வெள்ளைவான் கடத்தல்களும் சித்திரவதைகளும் தொடர்வதோடு, வதை முகாம்களும் காணப்படுவதாக குறிப்பிட்டுள்ள சூக்கா, சித்திரவதைகளுக்கு எதிரான ஐ.நா குழுவினர் இலங்கைக்கு விஜயம் செய்து இவ்விடயங்கள் குறித்து நீதியான விசாரணையை முன்னெடுக்க வேண்டுமென கோரியுள்ளார்.

ஜெனீவாவில் நடைபெற்றுவரும் சித்திரவதைகளுக்கு எதிரான ஐ.நா. குழுவின் 59ஆவது கூட்டத்தொடரில், இன்று (செவ்வாய்க்கிழமை) இலங்கை தொடர்பாக ஆராயப்படவுள்ளது. இந்நிலையிலேயே யஸ்மின் சூக்கா இக் கோரிக்கையை விடுத்துள்ளார்.

புலனாய்வுப் பிரிவினரும் பாதுகாப்புத் தரப்பினரும் தொடர்ந்தும் தமிழ் மக்களை இலக்குவைப்பதோடு, அவர்களைக் கடத்தி சட்டவிரோத முகாம்களின் தடுத்து வைத்து சித்திரவதைகளுக்கு உட்படுத்துவதற்கும், பாலியல் துஷ்பிரயோகங்களுக்கு உட்படுத்துவதற்கும் காரணம், குற்றவாளிகளுக்கு எதிராக எவ்வித நடவடிக்கையும் எடுக்காமையே என யஸ்மின் சூக்கா சுட்டிக்காட்டியுள்ளார்.

இலங்கையில் இவ்வாறான கொடுமைகளுக்கு உள்ளாக்கப்பட்ட 36 தமிழர்களிடம் ஐரோப்பிய நாடுகளில் வைத்து சாட்சியங்கள் பதிவுசெய்யப்பட்டதாக குறிப்பிட்டுள்ள சூக்கா, போர்க்குற்றங்கள் மற்றும் போருக்கு பிந்திய காலங்களில் இடம்பெற்ற கொடூரங்கள் தொடர்பாக இதுவரை சுமார் 200 இலங்கையர்களின் சாட்சியங்கள் தமது அமைப்பிடம் உள்ளதாக குறிப்பிட்டுள்ளார்.

ஜனாதிபதி மைத்திரி தலைமையிலான கூட்டு ஆட்சியிலும் இக் குற்றங்களை தடுத்து நிறுத்த முடியாமல் உள்ளதென யஸ்மின் சூக்கா சுட்டிக்காட்டியுள்ளதோடு, சர்வதேசத்திற்கு அளித்த மனித உரிமைகள் தொடர்பான வாக்குறுதிகளை மதித்து இலங்கை அரசாங்கம் செயற்படுவது அவசியமென வலியுறுத்தியுள்ளார்.

இலங்கையில் சித்திரவதைகளும் கடத்தல்களும் தொடர்கின்றன என்பதை மையமாகக் கொண்டு, சித்திரவதைகளுக்கு எதிரான ஐ.நா. குழுவிற்கு ஏற்கனவே இலங்கை மனித உரிமை ஆணைக்குழு அறிக்கையொன்றை அனுப்பி வைத்திருந்தது. எனினும், குறித்த அறிக்கையில் காணப்படும் விடயங்களை இலங்கை அரசாங்கம் முற்றாக நிராகரித்திருந்தமை குறிப்பிடத்தக்கது.

முன்னாள் ஜனாதிபதி மஹிந்த ராஜபக்ஷ மத வழிபாடு நிகழ்வொன்றில் கலந்து கொண்டார். இதன்போது பெண்ணொருவர் அவருக்கு அதிர்ச்சி கொடுத்ததாக தகவல் வெளியாகியுள்ளது.

அக்குரஸ்ஸ, அல்கிரிய, கஹவில்கொட விகாரையில் இடம்பெற்ற மத வழிப்பாட்டில் மஹிந்த கலந்து கொண்டார். இதன்போது அந்தப் பகுதியை சேர்ந்த மக்களும் பங்கேற்றிருந்தனர்.

குறித்த சந்தர்ப்பத்தில் அங்கிருந்த மக்களால் மஹிந்தவுக்கு விசேட வரவேற்பு ஒன்று வழங்கப்பட்டது. மத வழிபாட்டு நிகழ்வுகளை அடுத்து, அங்கிருந்த மக்களுடன் மஹிந்த ராஜபக்ச சந்திப்பில் ஈடுபட்டார்.

இதன்போது பெண் ஒருவர் கூச்சலிட்டு வெளியிட்ட கருத்து பலரின் அவதானத்தை பெற்றுள்ளது. மஹிந்தவை பார்த்து குறித்த பெண் திடீரென “வணக்கம் அரசரே, ஐயோ வாருங்களேன்” என பெரிய சத்தமாக கூச்சலிட்டுள்ளார்.

01.உலக மொழிகளில் ஆதிமொழி தமிழ் .இதை ஆங்கிலேயர்களே ஆராட்சி மூலம் நிறுவியும் ஏற்றும் கொண்டுள்ளனர்.ஆகவே ஆதிக்குடியினம் தமிழினம் .தமிழன் தான் ஒரு நாட்டில் முதலில் குடியேறுவான் .

02. சிங்களவரின் தமது வரலாற்றை மகாவம்சத்தை வைத்தே நிறுவுகின்றனர் .இது மகாநாம தேரர் என்னும் பௌத்த பிக்குவினால் அதுவும் பாளி மொழியில் கி.பி. 5 ம் நூற்றாண்டில் எழுதினார் .இதில் உண்மைகள் கற்பனைகளுக்கு மேலே தூவப்பட்டிருக்கின்றன .

03.மகாவம்சத்தின்படி படி கி.மு.543 இல் இன்றைய பெங்கார் ,ஒடிஷா மாநில பகுதிகளிலிருந்து ஒரு சிறிய நாட்டின் அடங்காத கடடாக்காலி இளவரசனை அவனது தந்தை 700 நண்பர்களுடன் சேர்த்து நாடு கடத்தினார் .

04.அந்த பாய்மரக்கப்பல் நாகதீப என்றழைக்கப்படும் இன்றைய இலங்கையை வந்தடைந்தது .-மகாவம்சம்

05.அந்த இளைஞன் விஜயன் ,குவேனி என்னும் நாக இளவரசியை மணந்தாள் -இவர்களின் வழித்தோன்றல்களே சிங்களவர்கள்

மகாவம்சம் மறைக்க முற்பட்டு முடியாமல் போன தமிழர் கதை ……………

01.மஹாவம்சப்படி …….வியஜன் இலங்கைக்கு வந்த பொது மக்கள் இங்கு வாழ்ந்திருக்கிறார்கள் .அவர்கள் யார் ?
* பழந்தமிழ் பேசிய திராவிடர்கள் .

02.இயக்கர் நாகர் வேடர் என மூன்றின மக்கள் விஜயனுக்கு முன்னரே இலங்கையில் வாழ்ந்திருக்கிறார்கள் .அவர்கள் திராவிடர்கள் .அவர்கள் பேசிய மொழி என்ன ?
* அவர்கள் ஒருவகை பழந்தமிழை பேசினார்கள் .

03.1956 ம் ஆண்டு விஜயன் இலங்கையில் கால் பதித்த2000 ம் ஆண்டை நினைவு கூற இலங்கை ஒரு தபால் தலையை வெளியிட்ட்து .பின்னர் அது உடனே திரும்பப்பெறப்படாது ஏன் ?
*தமது மூதாதையன் என கொண்டாடும் வியஜன் இலங்கையின் பூர்விக குடிமகன் இல்லை என்பதால் …அந்த முத்திரை வெளியீடு அதை தாமே ஒப்புக்கொள்ளவைத்தாய் இருக்கும் என்பதால்…

இன்னும் தெளிவாக அறிய ……இந்த வீடியோவை கேளுங்கள்

ஜனாதிபதி தேர்தலின் முடிவுகளை ஏற்றுக் கொண்ட, இலங்கையை அமெரிக்கா முன்னுதாரணமாக எடுத்துக் கொள்ள வேண்டும் என்று, பிவிதுரு ஹெல உறுமயவின் தலைவர் உதய கம்மன்பில தெரிவித்துள்ளார்.

கடந்த ஜனாதிபதி தேர்தலில் மைத்திரிபால சிறிசேன வெற்றி பெற்ற போது, எவரும் அதற்கு எதிர்ப்புத் தெரிவிக்கவில்லை. மகிந்த ராஜபக்ச சுமுகமான அதிகார கைமாற்றத்தை உறுதிப்படுத்தினார்.

ஆனால், அமெரிக்காவில் அண்மைய அதிபர் தேர்தலில் தோல்வியுற்ற ஹிலாரி கிளின்டனின் ஆதரவாளர்கள், டொனால்ட் ட்ரம்பை அதிபராக ஏற்க முடியாது என்று தெரிவித்து, எதிர்ப்பு ஆர்ப்பாட்டங்களில் ஈடுபடுகின்றனர்.

இலங்கையில் 2015 அதிபர் தேர்தல் இறுதி முடிவுகள் வெளியாக முன்னரே, தற்போதைய பிரதமர் ரணில் விக்கிரமசிங்கவை சந்தித்து சுமுகமாக அதிகாரத்தை கைமாற்றுவது குறித்து மகிந்த ராஜபக்ச பேச்சு நடத்தினார்.

மகிந்தவுக்கு ஆதரவாக இராணுவத்தினர் புரட்சியில் ஈடுபட்டு சிறிசேன அதிகாரத்துக்கு வருவதை தடுக்கவிருப்பதாக செய்திகள் வெளியாகின.

எனினும் எந்த புரட்சியும் இடம்பெறவில்லை. ராஜபக்ச தேர்தல் முடிவுகளை ஏற்றுக் கொண்டு, பதவியை விட்டு விலகிச் சென்றார் என அவர் மேலும் தெரிவித்துள்ளார்.

மத்திய வங்கியை தனியார் மயப்படுத்தினால் நிதி முறைமையே வீழச்சியடைந்து விடும் என முன்னாள் ஜனாதிபதி மஹிந்த ராஜபக்ச தெரிவித்துள்ளார்.

தங்காலை கார்ல்டன் இல்லத்தில் நடைபெற்ற செய்தியாளர் சந்திப்பில் நேற்று இதனைத் தெரிவித்துள்ளார்.அவர் மேலும் கூறுகையில்…

மத்திய வங்கியினால் ஆற்றப்படும் பணிகள் வெளித் தரப்புக்களுக்கு வழங்கப்படுது தேசிய குற்றமாகும்.

அரசாங்கத்தின் இந்த நடவடிக்கையானது நாட்டின் பொருளாதாரத்திற்கு பாரிய பின்விளைவுகளை ஏற்படுத்தக் கூடும்.

ஜனாதிபதியும் பிரதமரும் இணைந்து மத்திய வங்கியை தனியார் மயப்படுத்த எடுத்துள்ள தீர்மானம் உடனடியாக நிறுத்தப்பட வேண்டும்.

மத்திய வங்கி தனியார் மயப்படுத்துவது நிறுத்தப்படுவதன் மூலம் நாட்டு மக்களுக்கு நன்மைகள் ஏற்படும்.

இவ்வாறு தனியார் மயப்படுத்தப்படுவதனால் பாரியளவு கொள்ளைகள் இடம்பெறக்கூடும்.

நாட்டின் முழு நிதி முறைமையும் வீழ்ச்சியடைவதுடன் நிதி முறைமை குறித்த நம்பிக்கையும் வீழ்ச்சியடையும்.

மத்திய வங்கியின் மீதான நம்பிக்கை காரணமாகவே நாம் மத்திய வங்கியுடன் கொடுக்கல் வாங்கல் செய்கின்றோம்.

எமது ஆட்சிக் காலத்தில் மத்திய வங்கிக்கு ஸ்திரமான ஓர் நிலையை ஏற்படுத்திக் கொடுத்தோம்.

மத்திய வங்கியின் நிதிச் சபை விவகாரத்தில் தலையீடு செய்ததில்லை.எனினும் இன்று நிலைமை தலைகீழாக மாற்றமடைந்துள்ளது.

மத்திய வங்கி தனியார் மயப்படுத்தப்பட்டால் ஒட்டுமொத்த மக்களின் நிதிக் கொடுக்கல் வாங்கல்களும் பாதிப்புக்கு உள்ளாகும் என முன்னாள் ஜனாதிபதி மஹிந்த ராஜபக்ச தெரிவித்துள்ளார்.