சூப் ஆனது உடல் நலத்திற்கு பல நன்மைகளை அளிக்கிறது. அதில் முக்கியமாக இந்த வேப்பம்பூ சூப் குடிப்பதால் குடல் புழுக்கள் நீங்கும். வயிற்றில் புண், கிருமித் தொற்று இருந்தால் சரியாகும். பசியைத் தூண்டி, செரிமான ஆற்றலைக் கொடுக்கும். உடலுக்கு புத்துணர்வைத் தரும்.
- வேப்பம்பூ – 4 டீஸ்பூன்
- கொள்ளு – 50 கிராம்
- மிளகு – 2 டீஸ்பூன்
- பிரிஞ்சி இலை – 2
- அன்னாசிப் பூ – 5 கிராம்
- நல்லெண்ணெய் – 25 மி.லி
- கடுகு, மஞ்சள் தூள் – சிறிதளவு
- உப்பு – தேவையான அளவு
- பூண்டு – 50 கிராம்.
செய்முறை:
கொள்ளுவை நன்றாக வறுத்துப் பொடித்து கொள்ளவும்.
நல்லெண்ணெயில் வேப்பம்பூவை வறுத்துக்கொள்ளவும்.
ஒரு பாத்திரத்தில் ஒரு லிட்டர் நீரை, நன்றாகக் கொதிக்கவிடவும்.
இதில் மஞ்சள் தூள் சேர்த்து, கொள்ளுப் பொடியைக் கட்டி இல்லாமல் கரைத்துச் சேர்க்கவும்.
இதில், வறுத்த வேப்பம்பூ, உப்பு சேர்க்க வேண்டும்.
மிளகு, பிரிஞ்சி இலை, அன்னாசிப் பூ இவற்றை நன்றாக அரைக்கவும்.
ஒரு கடாயில் எண்ணெய் விட்டு, கடுகு தாளித்து, பூண்டு, அரைத்த மிளகுக் கலவையைச் சேர்த்துக் கலக்கவும்.
இந்தக் கலவையைக் கொதிக்கும் சூப்பில் கொட்டி, கலக்கி இறக்கவும்.
சத்தான வேப்பம்பூ கொள்ளு சூப் ரெடி.
