கொரோனா வைரஸ் தாக்கம் உலகில் உள்ள அனைத்து மக்களையும் அச்சுறுத்தி வருகிறது. நாளுக்கு நாள் இதன் தாக்கம் தமிழகத்தில் குறிப்பாக சென்னையில் அதிகரித்து கொண்டே இருக்கிறது.
இதன் காரணமாக வழக்கமாக உற்றார் உறவினர்களுடன் சிறப்பாக நடைபெறும் திருமணங்கள் உள்ளிட்ட சடங்குகள் மிகவும் எளிமையாக முறையில் நடைபெற்று வருகின்றன.
பிரபலங்களின் வீட்டு நிகழ்ச்சிகளும் அதனை போலவே நடைபெற்று வருகிறது. அதன் ஒரு பகுதியாக பிரபல தெலுங்கு ஹீரோ நிதினின் திருமண நிச்சயதார்த்தம் மிக எளிமையாக முறையில் சில தினங்களுக்கும் முன்பு நடைபெற்றது.
இந்நிலையில் நடிகர் நிதின் அவரது காதலி ஷாலினியை இன்று திருமணம் செய்து கொண்டார். இந்த திருமணம் ஐதராபாத்தில் உள்ள பிரபல ஹோட்டலில் நடைபெற்றது.
இந்த திருமண விழாவில் இரு வீட்டாரின் குடும்பத்தினர் மட்டுமே கலந்துக் கொண்டனர். நிதினின் திருமணத்திற்கு பிரபலங்கள் பலரும் சமூக வலைதளங்களில் வாயிலாக வாழ்த்து கூறி வருகின்றனர்.
