கடந்த ஜூலை மாதம் தெலுங்கில் வெளியான ‘பிதா’ என்கிற படம் இப்போது ஐம்பதாவது நாளை தொடப்போகிறது.
சேகர் கம்முலா இயக்கத்தில், வருண் தேஜ் கதாநாயகனாக நடித்திருந்த இந்தப்படத்தில் சாய் பல்லவி தான் கதாநாயகியாக நடித்திருந்தார்.
மலையாளத்தில் தனது முதல் படமான ‘பிரேமம்’ படத்திலேயே ரசிகர்களின் மனதை அள்ளிய இவருக்கு, தெலுங்கில் இது முதல் படம் என்பதால் ரசிகர்கள் எப்படி வரவேற்பு கொடுப்பார்களோ என்கிற எதிர்பார்ப்பு அப்போது நிலவியது.
ஆனால் எதிர்பார்த்ததற்கும் மேலாக இந்தப்படத்தில் சாய் பல்லவியின் நடிப்பு பலராலும் பாராட்டப்பட்டது.
அழகான காதல் கதையில் அற்புதமான நடிப்பை வெளிப்படுத்தி இருந்தார் சாய் பல்லவி.
இந்தப்படத்தின் வெற்றியால் சாய் பல்லவியின் தெலுங்கு வாய்ப்புகள் அதிகரித்துள்ளன.
இந்தப்படத்தின் ஐம்பதாவது நாள் கொண்டாட்டத்தை சமீபத்தில் தான் படக்குழுவினர் கொண்டாடி மகிழ்ந்தனர்.
