கிருத்திகா உதயநிதி இயக்கத்தில் விஜய் ஆண்டனி நடித்து வரும் ‘காளி’ படத்தின் ஃபர்ஸ்ட் லுக்கை வெளியிட்டுள்ளது படக்குழு.
‘அண்ணாதுரை’ படத்தில் நடித்துக் கொண்டே, கிருத்திகா உதயநிதி இயக்கிய ‘காளி’ படத்திலும் நடித்து வந்தார் விஜய் ஆண்டனி. இப்படத்தை தன்னுடைய விஜய் ஆண்டனி பிலிம் கர்ப்பரேஷன் நிறுவனம் மூலம் தயாரித்தும் வருகிறார்.
‘வணக்கம் சென்னை’ படத்தைத் தொடர்ந்து கிருத்திகா உதயநிதி இயக்கத்தில் 2வது படமாக ‘காளி’ அமைந்துள்ளது. இதன் படப்பிடிப்பு இறுதிகட்டத்தை எட்டியிருப்பதாக படக்குழு தெரிவித்துள்ளது.
சுனைனா நாயகியாகவும், ரிச்சர்ட் எம். நாதன் ஒளிப்பதிவாளராகவும் பணிபுரிந்து வருகிறார்கள். இதன் ஃபர்ஸ்ட் லுக் போஸ்டரை படக்குழு வெளியிட்டுள்ளது. தெலுங்கில் ‘இந்திரசேனா’ என்று பெயரிடப்பட்டுள்ள இப்படத்தின் ஃபர்ஸ்ட் லுக் போஸ்டரை சிரஞ்சீவி வெளியிட்டுள்ளார்.
