சிவகார்த்திகேயன் நடிப்பில் ‘வேலைக்காரன்’ படம் முடிவடைந்து இறுதிக்கட்ட பணிகள் தற்போது விறுவிறுப்பாக நடைபெற்று வருகிறது. இதையடுத்து, சிவகார்த்திகேயன் பொன்ராம் இயக்கத்தில் புதிய படத்தில் நடிக்க ஒப்பந்தம் ஆகியிருந்தார். இப்படத்தின் படப்பிடிப்பு சமீபத்தில் தொடங்கி தற்போது விறுவிறுப்பாக நடைபெற்று வருகிறது.
இப்படத்தில் சிவகார்த்திகேயனுக்கு ஜோடியாக சமந்தா நடிக்கிறார். நெப்போலியன், சிம்ரன், சூரி, லால் உள்ளிட்டோரும் முக்கிய கதாபாத்திரத்தில் நடித்து வருகின்றனர். 24AM ஸ்டுடியோஸ் நிறுவனம் சார்பில் இப்படத்தை ஆர்.டி.ராஜா தயாரித்து வருகிறார்.
இந்நிலையில், இப்படத்தின் சாட்டிலைட் உரிமையை பிரபல தொலைக்காட்சி நிறுவனமான சன் டிவி வாங்கியுள்ளதாக படக்குழுவினர் அதிகாரப்பூர்வமாக தெரிவித்துள்ளனர். பெயரிடப்படாத இப்படத்திற்கு டி.இமான் இசையமைத்திருக்கிறார். படப்பிடிப்பு இன்னும் முடிவடையாத நிலையில், இப்படத்தின் சாட்டிலைட் உரிமை விற்பனையானது படத்தின் மீதான எதிர்பார்ப்பை இன்னும் அதிகமாக்கியுள்ளது.
