ஐ.சி.சி. சாம்பியன்ஸ் டிராபி 50 ஓவர் கிரிக்கெட் தொடர் நாளை தொடங்குகிறது. ஒருநாள் கிரிக்கெட் போட்டிக்கான பேட்ஸ்மேன் தர வரிசையில் தென்ஆப்பிரிக்காவின் ஏபி டி வில்லியர்ஸ் 874 புள்ளிகளுடன் முதல் இடத்தில் உள்ளார். டேவிட் வார்னர் 871 புள்ளிகளுடன் 2-வது இடத்தில் உள்ளார். விராட் கோலி 852 புள்ளிகளுடன் 3-வது இடத்தில் உள்ளார். விராட் கோலிக்கும் டி வில்லியர்ஸ்க்கும் இடையில் 22 புள்ளிகள் வித்தியாசம் உள்ளது. ஐசிசி சாம்பியன்ஸ் டிராபி தொடரில் விராட் கோலி சிறப்பாக விளையாடினால் முதல் இடத்தை பிடிக்க வாய்ப்புள்ளது.
ரோகித் சர்மா 12-வது இடத்திலும், டோனி 13-வது இடத்திலும், தவான் 15-வது இடத்திலும் உள்ளனர். இந்த மூன்று பேரும் சிறப்பாக விளையாடினால் 10 இடங்களுக்குள் வர வாய்ப்புள்ளது.
பந்து வீச்சில் இந்திய வீரர்கள் யாரும் முதல் 10 இடத்திற்குள் இல்லை. அக்சார் பட்டேல் 11-வது இடத்தில் உள்ளார். அஸ்வின் 18-வது இடத்தில் உள்ளார். தென்ஆப்பிரிக்கா வேகப்பந்து வீச்சாளர் ரபாடா 724 புள்ளிகளுடன் முதல் இடத்திலும், இம்ரான் தாஹிர் 722 புள்ளிகளுடன் 2-வது இடத்திலும், ஆஸ்திரேலியாவின் மிட்செல் ஸ்டார்க் 701 புள்ளிகளுடன் 3-வது இடத்திலும் உள்ளனர்.
அணிகள் தர வரிசையில் தென்ஆப்பிரிக்கா 122 புள்ளிகளுடன் முதல் இடத்தில் உள்ளது. ஆஸ்திரேலியா 118 புள்ளிகளுடன் 2-வது இடத்திலும், இந்தியா 117 புள்ளிகளுடன் 3-வது இடத்திலும், நியூசிலாந்து 114 புள்ளிகளுடன் 4-வது இடத்திலும், இங்கிலாந்து 112 புள்ளிகளுடன் 5-வது இடத்திலும் உள்ளது.
