பெங்களூர் ராயல் சேலஞ்சர்ஸ் மற்றும் ரைசிங் புனே அணிக்களுக்கு இடையிலான லீக் போட்டி பெங்களூர் சின்னசாமி மைதானத்தில் இன்று நடைபெற்றது. டாஸ் வென்ற பெங்களூர் அணி கேப்டன் விராட் கோலி முதலில் பந்து வீச தீர்மானத்தார்.
நிர்ணயிக்கப்பட்ட 20 ஓவர்கள் முடிவில் புனே அணி 8 விக்கெட் இழப்பிற்கு 161 ரன்கள் எடுத்தது. புனே அணியில் அதிகபட்சமாக தொடக்க வீரர்கள் திரிபாதி 31, ரகானே 30 ரன்கள் எடுத்தனர். அதேபோல், கேப்டன் ஸ்மித் 28, தோனி 27 ரன்கள் எடுத்து ஆட்டமிழந்தனர். இறுதியில் மனோஜ் திவாரி 11 பந்துகளில் 27 ரன்கள் விளாசினார்.
இதனையடுத்து, 162 என்ற வெற்றி இலக்குடன் களமிறங்கிய பெங்களூர் அணியில் தொடக்க வீரர் மன் தீப் டக் அவுட் ஆகி வெளியேறினார். பின்னர் கேப்டன் விராட் கோலியும், டிவில்லியர்சும் இணைந்து ரன்களை சேர்த்தனர். அதிரடியாக விளையாடிய கோலி 19 பந்துகளில் 28 ரன்கள் எடுத்து ஆட்டமிழந்தார். இம்ரான் தாஹிரின் அபார பந்துவீச்சில் தோனியில் வேகமான ஸ்டம்பிங்கில் டிவில்லியர்சும் தனது விக்கெட்டை பறிகொடுத்தார். இதனால் பெங்களூர் அணிக்கு நெருக்கடி ஏற்பட்டது.
ஆனால், கேதர் ஜாதவ்(18), வாட்சன்(14), பின்னி(18), நெகி(10) என்ற அடுத்தடுத்து தங்களது விக்கெட்டுகளை பறிகொடுத்து நடையை கட்டினர்.
இறுதியாக பெங்களூர் அணி 20 ஓவர்கள் முடிவில் 9 விக்கெட் இழப்பிற்கு 140 ரன்கள் மட்டுமே எடுத்தது. இதனால் புனே அணி ரன்கள் வித்தியாசத்தில் அசத்தல் வெற்றி பெற்றது.
புனே அணியில் பென்ஸ் ஸ்டோக் அபாரமாக பந்துவீசி 4 ஓவர்களில் 18 ரன்கள் மட்டும் விட்டுக் கொடுத்து 3 விக்கெட்டுகளை சாய்த்தார். அதேபோல், தாக்கூர் 3 விக்கெட்டுகளை எடுத்தார். உனட்கட் 4 ஓவர்களில் 25 ரன்கள் மட்டும் விட்டுக்கொடுத்து 2 விக்கெட்டுகளை எடுத்தார்.
5 போட்டிகளில் விளையாடியுள்ள ரைசிங் புனே அணி 2வது வெற்றியை பெற்றுள்ளது. பெங்களூர் ராயல் சேலஞ்சர்கள் அணி தனது 4-வது தோல்வியை பதிவு செய்தது. 3 முக்கிய விக்கெட்டுகளை சாய்த்த பென்ஸ் ஸ்டோக் ஆட்டநாயகனாக தேர்வு செய்யப்பட்டார்.
