6 மொழிகளில் விடுமுறை பாடல்கள்: இந்திய – அமெரிக்க சிறுமியின் அசுர சாதனை!

இந்தியாவின் கேரள மாநிலத்தை சேர்ந்த ஒரு தம்பதியர் பல ஆண்டுகளுக்கு முன்னர் அமெரிக்காவுக்கு சென்று அங்கேயே குடியுரிமையும் பெற்று தங்கி விட்டனர். தற்போது, அவர்களின் இரண்டாம் தலைமுறைய சேர்ந்த ஒரு பிள்ளை கலிபோர்னியா மாநிலத்தில் உள்ள அமெரிக்கன் ரிவர் காலேஜில் கடந்த ஆண்டு பட்டம் பெற்றார்.

அவரது தங்கையான டியாரா ஆபிரகாம் பள்ளிப்படிப்புகளில் இரட்டை தேர்ச்சி பெற்று தனது ஏழாவது வயதில் அதே கல்லூரியில் பட்டப்படிப்பில் சேர்ந்தார். இதனால், அறிவுவளர்ச்சியில் வியப்புக்குரிய சிறுமியாக பார்க்கப்பட்ட டியாரா, தனது ஒன்பதாவது வயதில் இசை ஆல்பம் ஒன்றை சமீபத்தில் வெளியிட்டுள்ளார்.

கிறிஸ்துமஸ் ‘கேரல்’ பாடல்களுடன், விடுமுறைக்காலங்களில் உல்லாசமாக பாடும் சில பாடல் தொகுப்புகள் இந்த ஆல்பத்தில் இடம்பெற்றுள்ளன. உலகில் உள்ள 9 நாடுகளில் மிகவும் பிரபலமான விடுமுறைக்கால பாடல்களை ஆங்கிலத்தில் மட்டுமின்றி, இத்தாலி, ஜெர்மனி, லத்தின், பிரெஞ்சு, ஸ்பானிஷ் மொழிகளிலும் டியாரா பாடியுள்ளார்.

’வின்ட்டர் நைட்டிங்கேல்’ என்று தலைப்பில் வெளியாகியுள்ள இந்த இசை ஆல்பம் மேற்கண்ட நாட்டு மக்களிடையே நல்ல வரவேற்பை பெற்றுள்ளது.