புதிதாக வெளிவந்துள்ள 2000 ரூபாய் நோட்டு பழைய ரூபாய் நோட்டுகளில் இருந்து முற்றிலும் மாறுபட்டு வித்தியாசமாக உள்ளது.
கருப்பு பணத்தை ஒழிக்க பழைய 500 மற்றும் 1000 ரூபாய் நோட்டுகள் செல்லாது என்று மத்திய அரசு அறிவித்தது. அதைத்தொடர்ந்து இன்று முதல் புதிய 2000 ரூபாய் நோட்டு விநியோகிக்கப்பட்டு வருகிறது.
இந்த புதிய 2000 ரூபாய் நோட்டு பழைய ரூபாய் நோட்டுகளை விட வித்தியாசமாக அச்சிடப்பட்டு வெளிவந்துள்ளது. இதைபற்றி அனைவரும் தெரிந்துக்கொள்ள குறிப்பாக முக்கிய 14 விஷயங்கள் தெரிவிக்கப்பட்டுள்ளன.
புதிய 2000 ரூபாய் நோட்டு 166×66 மி.மீ அளவு உள்ளது. இது பழைய 1000 ரூபாய் நோட்டை விட அளவில் சிறியது.
புதிய 2000 ரூபாய் நோட்டு கத்திரிப்பூ நிறத்தில் உள்ளது.
புதிய நோட்டில் மகாத்மா காந்தியின் உருவம் நடு பகுதியில் இடம்பெற்றுள்ளது.
கண் பார்வையற்றோர்க்கு வசதியாக நோட்டின் இடது மற்றும் வலது புறத்தில் ஏழு கோடுகள் குறிப்பிடப்பட்டுள்ளது.
ரூபாய் நோட்டில் குறுக்கே பாதுகாப்புக்காக, இழை பச்சை நிறத்தில் இருக்கும் கோடு தற்போது நீல நிறத்தில் மாற்றப்பட்டுள்ளது.
ரூபாய் நோட்டின் பின்பகுதியில் தூய்மை இந்தியா திட்டத்தின் குறியீடு மற்றும் பிரச்சார வாக்கியம் உள்ளது.
ரூபாய் நோட்டின் பின்பகுதியில் மங்கள்யான் செயற்கைக் கோளை பெருமைப்படுத்தும் வகையில் அதன் புகைப்படம் இடம்பெற்றுள்ளது.
வழக்கம் போல் அனைத்து ரூபாய் நோட்டுகளிலும் இருக்கும் 15 வகையான இந்திய மொழி, இந்த புதிய ரூபாய் நோட்டிலும் இடம்பெற்றுள்ளது.
