விஜய்யுடன் ஒரு படத்திலாவது நடிக்க வேண்டும் என்று பல நடிகைகள் தவமிருந்து வரும் நிலையில் விஜய் படத்தில் நடிக்க நயன்தாரா கண்டிஷன் போட்டதாகவும், இதனால் விஜய் தரப்பு அதிர்ச்சி அடைந்துள்ளதாகவும் கூறப்படுகிறது.
தமிழ் சினிமாவில் தனக்கென மாஸான இடத்தை பிடித்திருக்கும் விஜய்யுடன் நடிக்க நடிகைகள் போட்டி போட்டு வருகின்றனர். ஆனால் நடிகை நயன்தாரா விஜய்யுடன் நடிப்பதற்கு கண்டிஷன் போடுவதாக தகவல் வெளியாகியுள்ளது. சிவகாசி படத்தில் ஒரு பாடலுக்கு விஜய்யுடன் நடனமாடிய நயன்தாரா, வில்லு படத்தில் அவருக்கு ஜோடியாக நடித்தார். வில்லு படம் வெளியான நேரத்தை ஒப்பிடுகையில் தற்போது நயன்தாராவின் மார்க்கெட் எகிறி இருக்கிறது என்று தான் சொல்ல வேண்டும்.
இந்நிலையில் விஜய்யை வைத்து அட்லி இயக்கும் அடுத்த படத்தில் நயன்தாராவை நடிக்க வைக்க பேச்சுவார்த்தை நடந்து வருவதாக கூறப்படுகிறது. விஜய்யுடன் அடுத்த படத்தில் நடிக்க வேண்டுமென்றால், விக்னேஷ் சிவன் இயக்கும் அடுத்த படத்தில் விஜய் நடிக்க வேண்டும் என்று கண்டிஷன் போடுவதாக கிசுகிசுக்கப்படுகிறது.
