வங்க தேசத்தின் பிரபலமான நடிகையான ரைமா இஸ்லாம் சிமு(45) இறந்த உடலை கோணிப்பையில் இருந்து பொலிசார் மீட்டுள்ள சம்பவம் அதிர்ச்சியை ஏற்படுத்தியுள்ளது.
காலாபாகன் காவல் நிலையத்தில் ரைமாவின் உறவினர்கள் அவரைக் காணவில்லை என்று புகார் அளித்திருந்தனர்.
இந்த புகாரின் அடிப்படையில் பொலிசார் குறித்த நடிகையை தேடிவந்தனர். இந்நிலையில் டாக்காவின் புறநகர்ப் பகுதியில் சாக்குமூட்டையில் இருந்த ரைமாவின் உடலை மீட்டுள்ளனர்.
குறித்த நடிகையின் உடலை உடற்கூராய்வுக்கு மருத்துவமனைக்கு கொண்டு செல்லப்பட்ட நிலையில், ரைமாவின் கணவர் ஷகாவத் அலியிடம் பொலிசார் விசாரணை மேற்கொண்டனர்.
விசாரணையில், மனைவியுடன் ஏற்பட்ட தகராறில் தாம் தான் இந்த கொலையை செய்ததாக ஒப்புக்கொண்டுள்ளார்.
