உடலில் உள்ள தேவையற்ற கொழுப்புகள், வயிற்றில் உள்ள பூச்சிகளை கொல்லும் பாக்ரகாய் மிகவும் அத்தியாவசியமான உணவாகும். இதனை பலர் கசக்கிறது வேண்டாம் என சொல்வது வழக்கம். ஆனால், அதை கசக்காமல் சுவையான குழம்பு எப்படி செய்வதென பார்க்கலாம்.
தேவையான பொருட்கள் :
சின்னவெங்காயம் – 200 கிராம்,
புளி – எலுமிச்சைப்பழ அளவு,
பாகற்காய் – 300 கிராம்,
வறுத்த வெந்தயப்பொடி – 1/2 டீஸ்பூன்,
மஞ்சள் தூள் – 1/2 டீஸ்பூன்
நல்லெண்ணெய் – 50மி.லி.,
தக்காளி – 2,
தனியாத்தூள் – 1½ டீஸ்பூன்,
உப்பு – தேவைக்கு,
தேங்காய்த்துருவல் – 100 கிராம்
மிளகாய்த்தூள் – 1 டீஸ்பூன்,
நறுக்கிய பூண்டு – 2 டீஸ்பூன்,
சீரகம் – 1 டீஸ்பூன்,
செய்முறை:
- புளியை வெண்ணீர் வைத்து கரைத்து எடுத்து கொள்ளவும். தக்காளி மற்றும் சின்ன வெங்காயத்தை தோல் நீக்கி பொடிப்பொடியாக நறுக்கி கொள்ளவும்.
- பாகற்காயை விதை நீக்கி வட்ட வட்டமாக வெட்டி பின் கழுவி எடுத்து வைத்து கொள்ளவும். பின், தேங்காய்த்துருவல், தக்காளி, சீரகம் சேர்த்து பேஸ்ட் போன்று அரைத்து கொள்ளவும்.
- கடாயை அடுப்பில் வைத்து எண்ணெய் ஊற்றி பாகற்காயை இட்டு நன்கு பொன்னிறமாகும் வரை வறுக்கவும். பின்னர், அதில் வெங்காயத்தை கொட்டி, வதக்கவும்.
- பின்னர், பூண்டு, வெந்தயப்பொடி, தனியாத்தூள், மிளகாய்த்தூள், மஞ்சள் தூளை அதனுடன் சேர்த்து வதக்கவும். இதனுடன் அரைத்த விழுதை சேர்த்து சிறிது நீரும் சேர்த்து கொதிக்க வைக்கவும்.
- குழம்பு கொதித்து வந்ததும், அதனுடன் புளிக்கரைசலை சேது நன்றாக கொதிக்க விட்டு இறக்கி பரிமாறவும். பாகற்காய் கசக்காது அப்படியே உண்ணலாம்.
- சுவையான பாகற்காய் புளிக்குழம்பு ரெடி!!
