இலங்கை மகளிர் கிரிக்கெட் அணியின் முன்னாள் தலைவி சமரி அத்தபத்துவை தங்கள் அணியில் இணைந்து விளையாடுமாறு இங்கிலாந்தின் முன்னணி அணியான யோக் ஷையர் அணி அழைப்பு விடுத்துள்ளது.
இங்கிலாந்தில் நடைபெறவுள்ள முதல்தர கிரிக்கெட் அணிகளுக்கிடையிலான இருபதுக்கு 20 கிரிக்கெட் போட்டித் தொடரில் பங்கேற்கவே சமரிக்கு மேற்படி அழைப்பு விடுக்கப்பட்டுள்ளது.
இங்கிலாந்தில் அண்மையில் நடைபெற்று முடிந்த மகளிர் உலகக் கிண்ணக் கிரிக்கெட் தொடரில் அவுஸ்திரேலியாவுக்கு எதிரான லீக் போட்டி ஒன்றில் சமரி அத்தபத்து ஆட்டமிழக்காது 178 ஓட்டங்களை விளாசினார்.
சமரியின் இந்த துடுப்பாட்டம் அனைவரையும் ஈர்த்தது. அதேவேளை அவர் குவித்த 178 ஓட்டங்கள் ஒருநாள் போட்டி ஒன்றில்
குவித்த அதிகூடிய ஓட்ட எண்ணிக்கை யாகவும் பதிவானது.
இந்நிலையிலேயே சமரிக்கு இங்கிலாந் தின் யோக் ஷையர் அணி அழைப்பு விடுத்துள்ளது.
