உடல் பருமன்தான் பல வகை மரபுக் கோளாறுகள் உருவாவதற்கு காரணம் என தெரிந்து கொண்டிருப்பீர்கள். இதய நோய் தொடங்கி புற்று நோய் வரை பல பாதிப்புகளை உடல் பருமன் உண்டாக்கும். பலப்பல மோசமான விளைவுகளை தரும் உடல் பருமனைப் பற்றி சற்றும் சிந்திப்பீர்களா?

வாய்க்கு பூட்டு போடாவிட்டால் நோய்கள் நுழைந்துவிடும் என்பதை கண்ட தீனிகளை சாப்பிடும்போது நினைத்துக் கொள்ளுங்கள். தீராத அபாய நோயான புற்று நோய் பாதிப்பு மற்றவர்களை விட உடல் பருமனானவர்களுக்கு தாக்கும் வாய்ப்பு அதிகம் என்பதை மறக்காதீர்கள். எந்த வகையான புற்று நோய் அதிகம் உடல் படுமானவர்களை தாக்கும் என்பதை பார்க்கலாம்.

வயிறு :

வயிற்றுப் புற்று நோய்க்கும் உடல் பருமனுக்கும் நெருங்கிய தொடர்பு இருக்கிறது என மருத்துவர்கள் சொல்கிறார்கள். அதிகப்படியான கொழுப்பு உடல் படிவதால் அவற்றை எரிக்க முடியாமல் பாதிப்பிற்குள்ளாகிறது. உணவுக் குழாய் புற்று நோயும் பெருமளவு தாக்குகிறது.

பித்தப்பை :

உடல் பருமன் பித்தப்பையில் கற்களை உண்டாக்குகிறது. அதோடு கொழுப்புகளும் பித்தப்பையில் சேர்ந்து பாதிப்பை உருவாகும். பித்தப்பை கற்கள் புற்று நோய்க்கு வழிவகுக்கக் கூடும். பித்தப்பை புற்று நோயும் உடல் பருமனால் வரும் வாய்ப்புகள் அதிகம்.

கணையம் :

உடல் பருமனால் இன்சுலின் சுரப்பது குறையும். கணையத்திலுள்ள பீட்டா செல்கள் இன்சுலினை சுரக்க அதிக சிரமம் மேற்கொள்ளும். இதனால் பாதிப்படைந்து புற்று நோய் உருவாக ஏதுவாகிவிடும்.

கருப்பை :

அதிக கொழுப்பு செல்கள் ஈஸ்ட்ரோஜனை அதிகரிக்கச் செய்யும். மாதவிடாய் நிற்கும் சமயத்தில் ஈஸ்ட்ரோஜன் அதிகமாக சுரந்தால் அவை கர்ப்பப்பை மற்றும் மார்பக புற்று நோய்க்கு வழிவகுக்கும்.

தைராய்டு :

உடல் பருமனாகும்போது தைராய்டு சுரப்பியும் அளவில் பெரிதாகும் என ஆய்வுகள் கூறுகின்றது. அளவில் பெரிதாகும்போது செல்களில் மாற்றம் உண்டாகி அவை புற்று நோய் செல்களால மாறும் அபாயமும் இருக்கிறது என மருத்துவ விஞ்ஞானிகள் கூறுகின்றனர்.

ரத்தம் :

உடல் பருமன் எலும்பு மஜ்ஜையில் அதிக மைலாய்டு செல்கள் உற்பத்தி செய்கின்றன. அளவுக்கு அதிக ரத்த செல்கள் உருவாகும்போது அவ்ற்றில் திடீர் மாற்றம் உண்டாகி ரத்த புற்று நோய் உண்டாகும் வாய்ப்பு இருக்கிறது.

கல்லீரல் :

மது அருந்துபவர்களுக்கு உண்டாகும் பாதிப்பு போலவே உடல் பருமனாக இருப்பவர்களுக்கும் கல்லீரல் பாதிக்கிறது. கல்லீரல் வீக்கம் உண்டாகி, கொழுப்பு கல்லீரல் உண்டாகி அது புற்று நோயாக மாறும் அபாயம் உள்ளது.

பலரும் அடிக்கடி டீ குடிப்பது கெட்ட பழக்கம் என்று சொல்வார்கள். உண்மையில் அளவுக்கு அதிகமாக டீ குடித்தால் தான் அது ஆபத்தானது. ஆனால் அளவாக குடித்தால், அதனால் ஏராளமான நன்மைகள் கிடைக்கும் என்பது தெரியுமா?

மேலும் சில ஆய்வுகளிலும் டீ பல உடல்நல பிரச்சனைகளைத் தடுப்பதாக கண்டறியப்பட்டுள்ளது. இங்கு தினமும் டீ குடிப்பதால் பெறும் நன்மைகள் கொடுக்கப்பட்டுள்ளன. அதைக் கொஞ்சம் படித்துப் பாருங்கள்.

சர்க்கரை நோய்

நியூட்ரிஷன் புல்லட்டின் என்னும் பத்திரிக்கையில் வெளிவந்த ஆய்வில், தினமும் 2 கப் டீ குடித்தால், டைப்-2 சர்க்கரை நோயில் இருந்து நல்ல பாதுகாப்பு கிடைப்பதாக தெரிய வந்துள்ளது. இதற்கு காரணம், டீயில் உள்ள அதிகப்படியான ஆன்டி-ஆக்ஸிடன்ட்டுகள் தான்.

இதய ஆரோக்கியம்

மேற்கு ஆஸ்திரேலியா பல்கலைகழகத்தில் மேற்கொள்ளப்பட்ட ஆய்வில், டீ குடிப்பதால், இதய நோய் வரும் அபாயம் குறைவதாக தெரிய வந்துள்ளது. இதற்கு டீயில் இருக்கும் ஆன்டி-ஆக்ஸிடன்ட்டுகள் தான் காரணம். மேலும் அங்குள்ள ஆராய்ச்சியாளர்கள், தினமும் டீயைக் குடித்து வந்தால், 7-8 சதவீதம் இதய நோய் வரும் அபாயம் குறைவதாகவும் நம்புகின்றனர்.

மார்பக புற்றுநோய்

டீயில் உள்ள அதிகப்படியான பாலிஃபீனால்கள், புற்றுநோய் செல்களை எதிர்த்துப் போராடும். மேலும் ஆய்வு ஒன்றில், டீயில் உள்ள பாலிஃபீனால், 21 சதவீதம் மார்பக புற்றுநோய் வரும் அபாயத்தைக் குறைப்பதாக தெரிய வந்துள்ளது.

இரத்த அழுத்தம்

மேற்கு ஆஸ்திரேலியா பல்கலைக்கழகத்தில் உள்ள ஆராய்ச்சியாளர்கள், தினமும் 8 கப் டீ குடித்தால் இரத்த அழுத்தம் குறைவதாக கண்டறிந்துள்ளனர்.

வயிற்று அல்சர்

ப்ளாக் டீ குடித்தால் நோயெதிர்ப்பு சக்தி ஊக்குவிக்கப்படும் என்பது தெரியும். ஆனால் ஆய்வு ஒன்றில், ப்ளாக் டீ வயிற்று அல்சரை சரிசெய்வதாக தெரிய வந்துள்ளது.

கருப்பை புற்றுநோய்

அமெரிக்கன் ஜெர்னல் ஆஃப் கிளினிக்கல் நியூட்ரிஷனில் வெளிவந்த ஆய்வில், ப்ளாக் டீ குடிப்பதால் கருப்பை புற்றுநோயில் இருந்து பாதுகாப்பு கிடைப்பதாக தெரிய வந்துள்ளது.

எனவே பெண்கள் தினமும் 2 கப் ப்ளாக் டீ குடிப்பது மிகவும் நல்லது. மேலும் ப்ளாக் டீயில் புற்றுநோயை எதிர்த்துப் போராடும் பொருட்கள் ஏராளமாக உள்ளது.

பாகற்காய் கசப்பாக இருப்பதால், பெரும்பாலான மக்கள் அதை சாப்பிடவே மாட்டார்கள். ஆனால் பாகற்காயை ஒருவர் தங்களது உணவில் வாரத்திற்கு இருமுறை சேர்த்து வந்தால், எவ்வளவு நன்மைகள் கிடைக்கும் என்பதை பார்க்கலாம்.

பாகற்காயை ஒருவர் வாரம் இருமுறை உணவில் சேர்ப்பது மட்டுமின்றி, ஜூஸ் தயாரித்து, தேன் கலந்து, வாரத்திற்கு இருமுறை குடித்து வந்தால், ஆஸ்துமா, நுரையீரல் அழற்சி போன்ற பிரச்சனைகள் வருவதைத் தடுக்கலாம்.

பாகற்காய் ஜூஸ் உடலின் ஆற்றலை மேம்படுத்தும், வலிமையை அதிகரிக்கும். எனவே உடலின் ஆற்றலை அதிகரிக்க கண்ட எனர்ஜி பானங்களைப் பருகாமல், பாகற்காயை சாப்பிடுங்கள். அதுவே போதும்.

பாகற்காய் உடலின் நோயெதிர்ப்பு மண்டலத்தை வலிமைப்படுத்தி, உடலைத் தாக்கும் நோய்க் கிருமிகளிடமிருந்து உடலுக்கு நல்ல பாதுகாப்பை வழங்கும்.

சர்க்கரை நோய் இருப்பவர்களுக்கு பாகற்காயை விட சிறந்த காய்கறி வேறொன்றும் இல்லை. ஆகவே சர்க்கரை நோயாளிகள் தங்களின் இரத்த சர்க்கரை அளவைக் குறைக்க அடிக்கடி பாகற்காயை உணவில் சேர்த்துக் கொள்ள வேண்டியது அவசியம்.

பாகற்காய் செரிமானத்திற்கு நல்லது. இது செரிமான பிரச்சனைகளிலிருந்து நிவாரணம் அளிப்பதோடு, குடலியக்கத்தை சீராக்கி, மலச்சிக்கலில் இருந்து விடுவிக்கும்.

வயிற்றில் உள்ள புழுக்களை அழித்து வெளியேற்ற பாகற்காய் உதவும். மேலும் பாகற்காய் உடலின் மூலைமுடுக்குகளில் உள்ள அழுக்குகளை வெளியேற்றும். அதற்கு பாகற்காயை ஜூஸ் எடுத்து தேன் கலந்து வெறும் வயிற்றில் குடிக்க வேண்டும்.

பப்பாளி பழத்தில் வைட்டமின் ஏ மற்றும் சி சத்துகள் அதிகளவில் உள்ளன. இது பல் சம்மந்தமான குறைபாட்டிற்கும், சிறுநீர்ப்பையில் உண்டாகும் கல்லை கரைக்கவும், பப்பாளி சாப்பிட்டால் போதும்.

பப்பாளியின் பலன்கள்

• மேலும் நரம்புகள் பலப்படவும், ஆண்மை தன்மை பலப்படவும், ரத்த விருத்தி உண்டாகவும், ஞாபக சக்தியை உண்டு பண்ணவும் பப்பாளி சாப்பிடுங்கள்.

• பப்பாளியில் இருக்கும் ஆன்ட்டி ஆக்சிடண்ட்ஸ் காரணமாக உடலில் மூப்பு சார்ந்த நோய்கள் வராமல் இளமையான தோற்றத்தைத் தக்கவைக்கிறது.

• டெங்கு நோய் பாதிப்புக்கு உள்ளானவர்களுக்குப் பப்பாளி இலைச் சாறைப் பருகக் கொடுத்து நடத்தப்பட்ட ஆய்வில், டெங்கு நோயாளிகளின் உடலில் நோய் எதிர்ப்புத்திறன் கொண்ட ரத்த அணுக்கள் பெருகுவது உறுதி செய்யப்பட்டுள்ளது.

• நார்ச்சத்து மிக்கது, உடலில் கொழுப்பின் அளவை குறைக்கும். கொழுப்பு ஆக்சிஜனேற்றம் அடைவதைத் தடுக்கும் என்சைம்களைக் கொண்டிருப்பதால், மாரடைப்பு வராமல் தடுக்கிறது.

• பப்பாளி விதைகளை அரைத்து பாலில் கலந்து சாப்பிட நாக்குப்பூச்சிகள் அழிந்து விடும்.

• பப்பாளிக் காயின் பாலை வாய்ப்புண், புண்கள் மேல் பூச புண்கள் ஆறும்.

• பப்பாளிப் பழத்தை தேனில் கலந்து சாப்பிட்டால் நரம்பு தளர்ச்சி குணமாகும்

• பப்பாளிப் பாலை, பசும்பாலுடன் கலந்து சேற்றுப் புண்கள் மேல் தடவி வர புண்கள் ஆறும்.

• பப்பாளிப் பாலை குழந்தைகளின் தலையில் ஏற்படும் புண்களில் பூசி வர புண்கள் ஆறும்.

• பப்பாளி இலைகளை அரைத்து கட்டி மேல் போட்டு வர கட்டி உடையும்.

• பப்பாளி விதைகளை அரைத்து தேள் கொட்டிய இடத்தில் பூச வலி, விஷம் இறங்கும்.

• பெண்களுக்கு மாதவிடாய் சுழற்சி சீரான இடைவெளிகளில் வருவதற்குப் பப்பாளி பழம் உதவுகிறது. மேலும், பப்பாளிக் காய் குழம்பை, பிரசவித்த பெண்கள் உணவில் சேர்த்து வர பால் சுரப்பு கூடும். பப்பாளிக் காய் குழம்பை, பிரசவித்த பெண்கள் உணவில் சேர்த்து வர பால் சுரப்பு கூடும்.

• பேன், பொடுகைப் போக்கும் திறன் பப்பாளிக்கு உண்டு. அதனால் தான் பெரும்பாலான ஷாம்புகளில் பப்பாளி பயன்படுத்தப்படுகிறது.

• பப்பாளிப் பழத்தின் தோல், சதைப் பகுதிகளை மசித்து முகத்தில் பூச்சாகப் பயன்படுத்தினால் கரும்புள்ளிகள், கருவளையங்கள் போன்றவை மறைந்து, முகம் பளிச்சிடும்.