கரும்புள்ளிகளைப் போன்றே வெண்புள்ளிகளும், மூக்கு, கன்னம் மற்றும் தாடைப் போன்ற பகுதிகளில் வரும். இப்பிரச்சனையால் எண்ணெய் பசை சருமத்தினர் தான் அதிகம் அவஸ்தைப்படுவார்கள். மேலும் இந்த வெண்புள்ளி பிரச்சனையானது ஹார்மோன்கள் மற்றும் மரபணுக்களாலும் வரும்.

வெண்புள்ளிகளானது சருமத்துளைகளில் அழுக்குகள், இறந்த செல்கள் அல்லது அதிகப்படியான எண்ணெய் சுரப்பால் அடைப்பு ஏற்படுவதால் வரும். வெண்புள்ளிகளை நீக்குவது என்பது சற்று கடினமானது. இங்கு அந்த அசிங்கமான வெண்புள்ளிகளைப் போக்குவதற்கான சில எளிய இயற்கை வழிகள் கொடுக்கப்பட்டுள்ளன.

பேக்கிங் சோடா
பேக்கிங் சோடாவை நீர் கொண்டு பேஸ்ட் செய்து, வெண்புள்ளிகள் உள்ள இடத்தில் தடவி, சிறிது நேரம் ஸ்கரப் செய்து பின் கழுவ வேண்டும். இப்படி வாரத்திற்கு 2 முறை செய்து வர நல்ல பலன் கிடைக்கும். குறிப்பாக இச்செயலை செய்த பின் தவறாமல் டோனரைப் பயன்படுத்துங்கள்.

ஆவிப்பிடிப்பது
ஆவிபிடிப்பதால் சருமத்தில் உள்ள அழுக்குகள் மற்றும் இறந்த செல்கள் வெளியேற்றப்பட்டு, சருமம் பளிச்சென்று பொலிவோடு இருக்கும். அதற்கு ஆவி பிடித்த பின், சுத்தமான துணியால் சருமத்தை நன்கு துடைத்து எடுக்க வேண்டும்.

சர்க்கரை
சர்க்கரையை எலுமிச்சை சாற்றுடன் சேர்த்து கலந்து, பாதிக்கப்பட்ட இடத்தில் தடவி மென்மையாக ஸ்கரப் செய்து, கழுவ வேண்டும். இதனால் சருமத்தில் உள்ள வெண்புள்ளிகள், கரும்புள்ளிகள் போன்றவை முழுமையாக வெளியேறும்.

ஓட்ஸ்
ஓட்ஸை பொடி செய்து தயிர் சேர்த்து கலந்து, மூக்கு, கன்னம் மற்றும் தாடை பகுதிகளில் தடவி மென்மையாக ஸ்கரப் செய்து, கழுவ வேண்டும். இதனால் சருமத்தில் உள்ள வெண்புள்ளிகள் நீங்குவதோடு, சருமமும் வறட்சி அடையாமல் மென்மையாக இருக்கும்.

ஆப்பிள் சீடர் வினிகர்
ஆப்பிள் சீடர் வினிகரை வெதுவெதுப்பான நீருடன் சரிசம அளவில் கலந்து, முகத்தில் தடவி 10 நிமிடம் கழித்து, நீரில் நனைத்த பஞ்சுருண்டையால் துடைத்து எடுக்க வேண்டும். இப்படி தொடர்ந்து செய்து வந்தால், வெண்புள்ளிகள் மறைந்துவிடும்.

பட்டை
பட்டை பொடியுடன் தேன் சேர்த்து கலந்து பாதிக்கப்பட்ட இடத்தில் தடவி, சிறிது நேரம் ஊற வைத்துக் கழுவ வேண்டும். இதனால் அதில் உள்ள அழற்சி எதிர்ப்பு பண்புகள், வெண்புள்ளிகளை மட்டுமின்றி, முகப்பருக்களையும் போக்கும்.

கடலை மாவு
கடலை மாவை பால் சேர்த்து பேஸ்ட் செய்து, முகத்தில் தடவி 20 நிமிடம் நன்கு காய வைத்து, குளிர்ந்த நீரில் தேய்த்து கழுவ வேண்டும். இதனால் சருமத்தில் உள்ள இறந்த செல்கள் முழுமையாக நீங்குவதோடு, வெண்புள்ளிகளும் உருவாகாமல் இருக்கும்.

இருமல், ஜலதோஷம் மற்றும் தொண்டைப் புண்களுக்கு, பார்லி அரிசியை சிறிது நீர் விட்டுக் கொதிக்க வைத்து, அப்படியே இறக்கி வைத்து விட்டால், தெளிந்த நீர் கிடைக்கும். இந்த நீருடன் இரண்டு கரண்டி தேன் கலந்து சாப்பிட இருமல், ஜலதோஷம் குறையும். தொண்டைப் புண்ணும் ஆறும். மூன்று நாட்கள் தொடர்ந்து சாப்பிட குணம் தெரியும்.

பலாச்சுளையை தேனில் நனைத்துச் சாப்பிட்டால், இருமல் போய்விடும். இரண்டு சிட்டிகை சித்தரத்தைப் பொடி, கொஞ்சம் கல்கண்டு பொடி, 1 ஸ்பூன் நெய், மூன்றையும் குழைத்துச் சாப்பிட, வறட்டு இருமலுக்கு மிகவும் நல்லது. வெந்நீரில் தேன் கலந்து குடித்தால், ஜலதோஷம், இளைப்பு, நுரையீரலில் உள்ள சளி நீங்கி விடும்.

வால்மிளகு – 10, அதிமதுரம் 2 செ.மீ, சித்தரத்தை 2 செமீ, திப்பிலி, துளசி இலை 15 போட்டு அவித்து சாறு எடுத்துக் கொண்டு பனங்கற்கண்டுடன் ஒரு நாளைக்கு மூன்று வேளை வீதம் அருந்தவும். இருமலுக்கு மிகவும் நல்லது. மூன்று சொட்டு இஞ்சிச்சாறுடன் தேன் கலந்து சிறு குழந்தைகளுக்குப் புகட்டினால் கக்குவான் இருமல் நிற்கும்.

தாங்க முடியாத அடுக்கு இருமலுக்கு முருங்கைக் கீரையை உப்பு சேர்த்து உள்ளங்கையில் கசக்கவும். சிறிது சுண்ணாம்பு சேர்த்து தொண்டையில் தடவினால் இருமல் குறையும். அரிசித்திப்பிலியை கடாயில் போட்டு வறுத்துப் பொடி செய்து வைக்கவும். சதா இருமும் குழந்தைகள், பெரியவர்கள் யாரும் இதை உட்கொள்ளலாம். ஒரு டீஸ்பூன் பொடியில் சிறிது தேன் விட்டுக் குழைத்து ஒரு கிண்ணத்தில் வைத்துக் கொள்ளவும்.

இதை, காம்பு நீக்கிய வெற்றிலையின் நடுவில் அரை ஸ்பூன் வைத்து, வாயில் போட்டு வெற்றிலைச் சாறுடன் சேர்த்து சிறிது சிறிதாக சிறிது நேரம் வாயில் அடக்கிக் கொண்டு சாப்பிட்டால் இருமல் குறையும். துளசிச் சாறையும் கல்கண்டையும் கலந்து சர்பத் போலக் காய்ச்சி வைத்துக் கொள்ளுங்கள். வயதுக்குத் தகுந்தபடி இத் துளசிசர்ப்பத்தை சிறிதளவு எடுத்து 2 அல்லது 3 தடவைகள் சாப்பிட இருமல் குணமாகும்.

வறட்டு இருமலால் அவதிப்படுவோர் அதிமதுர வேரினை அவ்வப்போது 1 துண்டு வாயிலிட்டு சுவைத்து வருவது நல்லது. கண்டங்கத்திரி, தூதுவளை, ஆடாதொடை, துளசி இவைகளின் இலை வகைக்கு 1 படி, சித்தரத்தை 1 துண்டு, இஞ்சி 1 துண்டு சேர்த்து இடித்துப் பிழிந்த சாறு 10 முதல் 20 துளி வரையில் வெண்ணையில் கலந்து காலை, மாலை கொடுத்து வர ஓயாத இருமல் நீங்கும். கபக்கட்டு, சிறுபிள்ளைகளுக்குக் காணும் கணைச்சூடு விலகும்.

பல வருடங்கள் வளர்ந்த ஒரு பெரிய மரத்தில்கூட, ஒரு நோய் ஏற்பட்டால் அது அந்த மரத்தின் கொப்பு கொப்பாக எல்லா இலைகளுக்கும் பரவி, மொத்த மரத்தையும் அழிக்கும் பலம் கொண்டது.

அது குறித்து அறிந்துகொண்ட நம் முன்னோர், நோய் ஏற்பட்ட பகுதியை மரத்திலிருந்து வெட்டி நீக்கினர். புற்றுநோயும் இதனை ஒத்ததுதான். ஆரம்பத்திலேயே கண்டறிந்தால், மருந்துகள் மூலம் குணப்படுத்தலாம்.

அல்லது, புற்றுநோய் பரவியுள்ள பகுதியை உடலிலிருந்து நீக்கி, குணப்படுத்தலாம். ஆனால், எல்லா புற்றுநோய்களையும் அவ்வாறு குணப்படுத்த முடியாது.

நமக்கோ, நமது உறவினருக்கோ அல்லது அயலவருக்கோ புற்றுநோய் ஏற்பட்டுள்ளது என்று நாம் அறிந்துகொள்ளும்போது, வாழ்கை குறித்த எதிர்பார்ப்புக்களை துறந்து விட்டு, என்ன செய்ய வேண்டும்?, எங்கே போக வேண்டும்? என்று புரிந்துகொள்ள முடியாது போகின்றது.

உண்மையில், அப்படியான சந்தர்ப்பத்தில் நாம் ஆதரவற்றவர்களாகிப்போகிறோமல்லவா? என்னைப் போன்றே, இக்கட்டுரையை வாசிக்கும் உங்களுக்கும் சிலபோது இவ்வாறான நிலை ஏற்பட்டிருக்கும் என்று நான் கருதுகிறேன்.

இன்று இந்தக் கட்டுரை மூலம், புற்றுநோய் உருவாகுவதற்கு காரணமாக அமைகின்ற விடயங்கள் குறித்தே, நாம் விளக்கவுள்ளோம்.

முன்பெல்லாம் ஒருவருக்கு புற்றுநோய் ஏற்பட்டால், அடுத்து அவர் மரணம் குறித்தே எண்ணுவார். ஆனால், இப்போது நிலை மாறியுள்ளது.

ஏனெனில், தொழிநுட்ப வளர்ச்சி காரணமாக, புற்றுநோயை குணப்படுத்துவதற்கான மருந்துகள் இப்போது கண்டுபிடிக்கப்பட்டுள்ளன.

புற்றுநோயை ஆரம்பத்திலேயே கண்டுபிடித்தால், பெரும்பாலும் மருத்துவ உதவியுடன் அதனைக் குணப்படுத்தலாம். புற்றுநோய் உருவாகுவதற்கு பல்வேறு காரணங்கள் உள்ளன.

புகையிலை, மது, இரசாயனப் பொருட்கள், உணவுப் பழக்கவழக்கங்கள், தொழிலின்போது புற்றுநோயை உருவாக்கும் காரணிகளுக்கு முகம்கொடுத்தல், மரபியல் காரணிகள், சூழலியல் காரணிகள், ஹோமோன்களின் செயற்பாடு, பல்வேறு மருந்துகளை பயன்படுத்தல், ஒட்டுண்ணி மற்றும் சிறு விலங்குகளின் செயற்பாடுகள், வேறு நோய்களின் பின்னர் ஏற்படும் பக்கவிளைவுகள், அதிகளவு உடற்பருமன் மற்றும் சுறுசுறுப்பு குறைதல், முதுமையடைதல் போன்ற காரணிகள் அவற்றில் சிலவையாகும்.

புகையிலை மற்றும் மது பயன்படுத்தல்

நடத்தை மற்றும் சமூகக் காரணிகளே புற்றுநோயை உருவாக்கும் பிரதான காரணிகளாக உள்ளன. மது அருந்துதல் இவற்றில் பிரதான இடத்தைப் பெறுகின்றது.

சிகரட்டில் புற்றுநோயை உருவாக்கும் விடயங்கள் 40 க்கும் மேல் இருப்பதை நீங்கள் ஏற்றுக்கொள்கிறீரா? சிகரட்டில் உள்ள மிகவும் அபாயகரமான இரசாசயனப் பொருள் ‘டார்’ (Tar) என்பதாகும்.

புகை பிடிப்போர் இரண்டு வகைப்படுகின்றனர். முதலாவது வகையினர் உண்மையாகவே புகைப்பிடிப்போர். இரண்டாவது வகையினர், புகைபிடிப்போருக்கு அருகாமையில் இருப்பதனால், புற்றுநோயை உருவாக்கும் காரணிகளை உடலுக்குள் உள்வாங்குபவர்.

உண்மையிலேயே புகைப்பிடிப்போரை விடவும், புகைப்பிடிப்போருக்கு அருகாமையில் இருப்பவர்க்கு, புற்று நோயை உருவாக்கும் காரணிகள் உடலுக்குள் செல்வதற்கான வாய்ப்பு 50 மடங்கு அதிகமாக உள்ளமை பலருக்கும் தெரியாது.

புகைப்பிடிப்போருக்கு மத்தியில் சுவாசப்பை புற்றுநோய் அதிகமாக இருப்பதை அவதானிக்கலாம். அவ்வாறே, தொண்டை பகுதியில் ஏற்படும் புற்றுநோய், கணையத்தில் ஏற்படும் புற்றுநோய், சிறுநீரகம், சிறுநீர்பை, கர்ப்பப்பை பகுதிகளிலும் புற்றுநோய் எற்படுவதற்கான வாய்ப்பும் புகைப்பிடிப்போருக்கு இருக்கின்றது.

புகைப்பிடிப்பது தவிர, மது அருந்துவோருக்கும் இவ்வாறான புற்றுநோய்கள் ஏற்படுவதற்கான வாய்ப்பு இன்னும் அதிகமாகவே உள்ளது.

வெற்றிலை மெல்லுவதன் மூலமாக வாய்ப் புற்றுநோய் ஏற்படுவதற்கான வாய்ப்பு உள்ளது. வெற்றிலையுடன் சேர்த்து மெல்லப்படுகின்ற பாக்கு, புகையிலை, சுண்ணாம்பு போன்றவற்றில் புற்றுநோயை உண்டாக்கும் காரணிகள் இருக்கின்றன.

இது குறித்து இலங்கையர்கள் ஆகிய நாம் அதிக கவனம் செலுத்த வேண்டுமல்லவா?

இரசயானப் பொருட்களின் பயன்பாடு

பல்வேறு இரசாயனப் பொருட்கள் மூலமாகவும் புற்றுநோய் ஏற்படுவதாக விஞ்ஞான ரீதியாக உறுதிப்படுத்தப்பட்டுள்ளது. உதாரணமாக, எஸ்பஸ்டோல் (Asbestos) மற்றும் நுரையீரல் புற்றுநோய்க்கு இடையில் உள்ள தொடர்பை குறிப்பிடலாம்.

எஸ்பஸ்டோஸிலிருந்து விழும் துகள்கள் சுவாச வழி ஊடாக உடலுக்குள் செல்வதனால் நுரையீரல் புற்றுநோய் உருவாகின்றது.

அத்தோடு, சில பூச்சிகொல்லிகளில் உள்ள ஆசனிக் (Arsenic) எனப்படும் இரசாயனப் பதார்த்தம் நுரையீரல் மற்றும் தோல் புற்றுநோயை உருவாக்குவதோடு, இறப்பர் மற்றும் தோல் தொழிற்சாலைகளில் பயன்படுத்தப்படும் பென்சீன் (Benzene) எனப்படும் இரசாயனப் பதார்த்தம் லியுகீமியாவை உருவாக்கும்.

உணவுப் பழக்கவழக்கம்

உணவுக்கும் பல்வேறு நோய்களுக்கும் இடையில் தொடர்புகள் உள்ளன என்று கூறப்படுவது குறித்து நாம் அனைவரும் அறிந்து வைத்துள்ளோம். புற்றுநோய் உருவாவதற்கும் சில உணவுகள் காரணமாக அமைகின்றன.

அதிக எண்ணெய் கொண்ட உணவுகளையும், மிருக கொழுப்பு பெருமளவு அடங்கிய உணவுகளையும் உட்கொள்வதன் மூலம் மார்பகப் புற்றுநோயும், பெருங்குடல் புற்றுநோயும் உருவாகின்றன.

உணவுகளை நீண்ட காலம் பாதுகாப்பதற்கும், நிறமூட்டுவதற்கும், சுவையூட்டுவதற்கும் பயன்படுத்தும் இரசாயனப் பொருட்கள் புற்றுநோயை உருவாக்குவதாக கண்டறியப்பட்டுள்ளது.

பல்வேறு உணவுகளின் மேல் வளர்கின்ற நுண்ணுயிர்கள் உற்பத்தி செய்கின்ற நச்சுக்கள் மூலமாகவும் புற்றுநோய் உருவாகின்றது.

அத்தோடு, பல்வேறு போசனைகளில் ஏற்படும் குறைபாடுகள் காரணமாகவும் புற்றுநோய் உருவாகின்றது.

உதாரணமாக, விட்டமின் ஏ, சி, ஈ போன்ற ஒக்ஸிஜனேற்ற விட்டமின் வகைகளும், ஸின்க் (Zinc), செலினியம் (Selenium) போன்ற கனிமங்களையும் குறிப்பிடலாம்.

தொழிலிலின்போது, புற்றுநோயை உருவாக்கும் காரணிகளுக்கு முகம்கொடுத்தல்

சில தொழில்களில் ஈடுபடுவோருக்கு புற்றுநோய் உருவாவதற்கான வாய்ப்பு உள்ளதாக கண்டுபிடிக்கப்பட்டுள்ளது.

அந்த தொழில்களில் ஈடுபடும்போது புற்றுநோயை உருவாக்கும் காரணிகளுக்கு உடல் திறந்து கொடுக்கப்படுவதனாலேயே புற்றுநோய் உருவாகின்றது. உதாரணமாக, தொழிற்சாலை தொழில்கள், பெட்ரோலிய உற்பத்திகள், சாயங்களுடன் (Dye) தொடர்பான தொழில்கள், இறப்பர், தோல், வாயுக்களுடன் தொடர்பான தொழில்களைக் குறிப்பிடலாம்.

நீண்டகாலமாக உடல் கதிர்த் தாக்கத்திற்கு உட்படுவதனாலேயே இவ்வாறு புற்றுநோய் ஏற்படுகின்றது. இதன் மூலம் உடலிலுள்ள DNA க்களில் மாற்றங்கள் ஏற்பட்டு புற்றுநோய் உருவாகின்றது.

மரபியல் காரணிகள்

உறவினருக்கு புற்றுநோய் இருந்தால், அது தலைமறை தலைமுறையாக கடத்தப்படும் என்று பலர் நினைக்கின்றனர். ஆனாலும் அதிகமான புற்றுநோய்கள் தொடர்பில் இது உண்மையான நிலையல்ல.

ஏனெனில், அதிகமான புற்றுநோய் வகைகள் பரம்பரை நோயாக மாறுவதற்கான சந்தர்ப்பம் மிகவும் குறைவாகவே உள்ளது.

ஆனால், சில வகை புற்றுநோய்கள் தலைமுறை தலைமுறையாக கடத்தப்படுவதற்கான அதிக வாய்ப்பு உள்ளது. மார்பக புற்றுநோய், கருப்பை புற்றுநோய் என்பவற்றை இதற்கு உதாரணமாகச் சொல்லலாம்.

பல்வேறு மருந்துகளைப் பயன்படுத்தல்

ஸ்டரொயிட் (Steroids) வகையைச் சேர்ந்த சில மருந்துகளை பயன்படுத்தினால், புற்றுநோய் உருவாகலாம். ஆனால், அது அரிதாகவே நடைபெறுகின்றது. சில அவயவங்களை இணைத்ததன் பின்னர், நோயாளிகள் நீண்டகாலம் பயன்படுத்துவதற்கு ஸ்டரொயிட் மருந்துகள் வழங்கப்படும்.

இவ்வாறான சந்தர்ப்பங்களில் நோயாளியின் நோய் எதிர்ப்பு சக்தி குறைவடைவதால், அவர்களுக்கு பல்வேறு புற்றுநோய்கள் ஏற்படலாம்.

சில புற்றுநோய்களுக்கு சிகிச்சையாக வழங்கப்படுகின்ற புற்றுநோய் கொல்லிகளாலும், புற்றுநோயாளர்களுக்கு சிகிச்சையளிக்க பயன்படுத்தப்படும் கதிர் சிகிச்சை மூலமாகவும், வேறு வகை புற்றுநோய்கள் அரிதாக ஏற்படுகின்றன.

ஒட்டுண்ணி மற்றும் சிறிய விலங்குகளின் செயற்பாடுகள்

பற்றீரியா, வைரஸ் மற்றும் பல்வேறு ஒட்டுண்ணிகளால் மனிதனில் புற்றுநோயை உருவாக்க முடியும். ஹெபடைடிஸ் (Hepatitis) B மற்றும் C ஆகியனவே கல்லீரல் புற்றுநோயை உருவாக்குகின்றன.

எப்ஸ்டைன் பார் (Epstein Bar) எனப்படும் வைரஸ் மூலம் லிம்ஃபோமா (Lymphoma) மற்றும் மூக்குக்கு பின்னால் உள்ள பகுதிகளில் புற்றுநோய் உருவாகுவதாக கண்டயறிப்பட்டுள்ளது.

மனித பெபிலோமா வைரஸ் (Human Papilloma Virus) பெண்களின் கர்ப்பப்பை புற்றுநோய், ஆணுறுப்பு புற்றுநோய் மற்றும் பாலியல் உறுப்பு பகுதிகளில் ஏற்படும் புற்றுநோய்களை உருவாக்குகின்றன. அத்தோடு, சிஸ்டஸொமைசீஸ் (Schistosomiasis) எனப்படும் ஒட்டுண்ணி சிறுநீர் பகுதி புற்றுநோயை உருவாக்குகின்றது

வேறு நோய்களின் பின்னர் உருவாகும் பக்க விளைவுகள்

வேறு நோய்கள் ஏற்பட்டதன் பின்னர் உருவாகின்ற பக்க விளைவுகளாலும் புற்றுநோய் ஏற்படுகின்றது.

கர்ப்பப்பை வாய் பகுதியில் ஏற்படும் மாற்றங்கள் காலப்போக்கில் புற்றுநோயாக மாற முடியும். இனப்பெருக்க உறுப்பு மருக்கள் உருவாகுவதற்கு காரணமாக அமைகின்ற மனித பெபிலோமா எனப்படும் வைரஸ் கர்ப்பப்பை வாய் புற்றுநோய் உருவாவதற்கான காரணமாக அமைவதாகவும் கண்டயறியப்பட்டுள்ளது.

சிறுநீர் பகுதியில் உருவாகும் கல் நீண்ட காலம் நிலைப்பதன் மூலம் சிறுநீர் பகுதியில் புற்றுநோய் உருவாகுவதற்கான வாய்ப்பு உள்ளது.

அத்தோடு, உடைந்த பற்கள் மற்றும் முறையாக பொருத்தப்படாத செயற்கைப் பற்களினால், வாயின் சளிச்சுரப்பி பகுதி மற்றும் நாக்கு என்பன அடிக்கடி எரிச்சலுக்கு உட்படுவதனால், வாய் மற்றும் நாக்கில் புற்றுநோய் உருவாக முடியும்.

இலங்கையில் பலருக்கும் கேஸ்ட்ரைடிஸ் நோய் உள்ளது. நாம் இந்த கேஸ்ட்ரைடிஸ் குறித்து அதிகம் சிந்திக்காதபோதும், கேஸ்ட்ரைடிஸ் காரணமாக உருவாகக்கூடிய வயிற்றுப் புண் நீண்ட காலம் நிலைப்பதால் புற்றுநோய் உருவாவதற்கான வாய்ப்பு அதிகமாக உள்ளது.

உடற்பருமன் மற்றும் சுறுசுறுப்பு குறைதல்

உடற்பருமன் மற்றும் சுறுசுறுப்பு குறைதல் ஆகியனவற்றால், மார்பகப் புற்றுநோய், கர்ப்பப்பை புற்றுநோய், தைரொயிட் சுரப்பி புற்றுநோய், வயிற்றுப் புற்றுநோய், கணைய புற்றுநோய், சிறுநீரக புற்றுநோய் என்பன உருவாவதற்கான வாய்ப்பு அதிகமாக உள்ளது.

இன்று பலரும் ஒரே வகையான வாழ்வமைப்புக்கு பழக்கப்பட்டுள்ளனர். ஆனால். இந்த ஒரே வகையான வாழ்வமைப்பிலிருந்து விலகி, சுறுசுறுப்பான வாழ்வமைப்புக்கு தம்மை பழக்கப்படுத்திக் கொள்வதன் மூலம், நமக்கு புற்றுறோயிலிருந்து மட்டுமன்றி, பல நோய்களிலிருந்தும் பாதுகாப்பு பெற முடியும்.

இப்போது முன்பை விடவும் புற்றுநோய்க்கு உட்படுவோர் தொகை அதிகரித்துள்ளது. பெரியோர், சிறியோர், ஏழை, பணக்காரன், நல்லவன், கெட்டவன் என்ற வேறுபாடு புற்றுநோய்க்கு இல்லை. எந்த வயதைச் சேர்ந்த எந்த மட்டத்திலுள்ளோருக்கும், எந்த நேரத்திலும் புற்றுநோய் உருவாக முடியும்.

எனவே, புற்றுநோய் உருவாகுவதற்கு காரணமாக அமைகின்ற விடயங்களிலிருந்து முடியுமானளவு தூரமாகி இருப்பதற்கு முயற்சிக்க வேண்டும். அப்போது, இந்த உலகிலிருந்தே புற்றுநோயை துடைத்தெறியலாம்.

ஆரோக்கியம் சார்ந்து நாம் தினமும் காட்டும் அக்கறையை விட, அழகு சார்ந்து நாம் அன்றாடம் காட்டும் அக்கறை தான் அதிகமாக  இருக்கின்றது.

அழகாக உடை உடுத்த வேண்டும், மிடுக்காக இருக்க வேண்டும், ஷூ பாலிஷ் செய்ய வேண்டும், முடிக்கு க்ரீம் பயன்படுத்துவது, தாடி ட்ரிம் செய்வது, மூக்கின் முடியை கூட மொத்தமாக அகற்றுவது என நாம் இவற்றை தினமும் செய்கிறோம்.

சமீபத்திய ஆய்வில், தாடியை கிளீன் ஷேவ் செய்வதே தவறு, தாடி இருப்பதால் நல்ல கிருமிகள் வளர்கின்றன.இவை, முகத்தின் சருமத்திற்கு நன்மை விளைவிக்கின்றன என கண்டறியப்பட்டது.

அதே போல மூக்கின் முடியை முழுமையாக தினமும் அகற்றுவதும் தவறு என கூறுகின்றனர். உண்மையில் மூக்கின் முடி பாக்டீரியா தாக்கம் உண்டாகாமல் தடுத்து உதவுகிறதாம்.

மூக்கில் முடி வளர்வது அசிங்கமாக, அசௌகரியமாக இருக்கலாம். ஆனால், அதற்காக தினமும், மூக்கில் உள்ள முடிகளை அகற்றுவது சரியான தீர்வல்ல. உண்மையில் இது ஆரோக்கியமற்ற செயல்.

மூக்கு பகுதி ட்ரையாங்கில் ஆப் டெத் என்றும் கூறப்படுகிறது. மூக்கு நம் உடலின் முக்கியமான உறுப்புகளில் ஒன்று. மூக்கில் அல்லது மூக்கு வாயிலாக உடலுக்குள் ஏற்படும் தொற்று பெரும் அபாயத்தை உண்டாக்கலாம்.

மூக்கில் இருக்கும் முடிகளை நீங்கள் சீராக தினமும் அகற்றுவதால் நோய்க்கிருமிகள் எளிதாக மூக்கின் வாயிலாக உடலுக்குள் எளிதாக சென்றுவிடுகிறது.

மூக்கில் வளரும் முடியை ஆங்கிலதில் ‘Cilia’ என்று கூறுகின்றனர். இது ஒவ்வொரு நாளும் மூக்கினை பாக்டீரியாக்கள் தாக்கம் உண்டாகாமல் காக்க உதவுகிறது.

ஆரோக்கியம் ஒருபுறம் இருக்க, அசௌகரியம் ஒரு புறம் இருக்க, இதற்கு என்ன தான் தீர்வு?

தினமும் மூக்கின் முடியை முழுவதுமாக அகற்றுவது,தினமும் ட்ரிம் செய்வது அல்லது வேக்ஸிங் செய்வதற்கு பதிலாக, சிறிய கால இடைவேளை விட்டு, சிறிதளவில் ட்ரிம் செய்துக் கொள்வது நல்லது, முழுவதுமாக மூக்கின் முடியை அகற்ற வேண்டாம்.

ஊட்டச்சத்துக்காகவும், நோய் எதிர்ப்பு சக்திக்காகவும் குழந்தைகள் முதல் பெரியவர்கள் வரை கோழி முட்டையை அதிக அளவில் விரும்பி உண்ணும் வேளையில் தற்போது கோழி முட்டையிலும் போலிகள் உருவாகி பெரும் கலக்கத்தை ஏற்படுத்தி உள்ளது.

குறிப்பாக நாட்டின் பல்வேறு பகுதிகளில் சீன முட்டை என்ற பெயரில் மனிதனின் உயிருக்கு உலை வைக்கும் இந்த போலி முட்டைகள் புழக்கத்தில் விடப்பட்டு உள்ளன.

தற்போது புழக்கத்தில் விடப்பட்டுள்ள சீன போலி முட்டைகளின் வெள்ளை கருவிற்கு பதிலாக ஸ்டார்ச், ரெசின், சோடியம், ஆல்கனேட் ரசாயனங்கள் பயன்படுத்தப்படுகிறது.

மஞ்சள் கருவிற்கு பதிலாக ஆர்கானிக் அமிலம், பொட்டாசியம், ஜெலட்டின், கால்சியம் குளோரைடு, பென்சாயிக் அமிலம் போன்றவை பயன்படுத்தப்படுகிறது.

முட்டையின் நிறத்தினை பெறுவதற்காக செயற்கை நிறங்கள் பூசப்படுகின்றன.

மேலும், முட்டையின் ஓட்டு பகுதி இதற்காக வடிவமைக்கப்பட்ட அச்சுகள் மூலம் தயாரிக்கப்பட்டு அதன் மீது இயற்கையாக தெரிய வேண்டும் என்பதற்காக கோழியின் கழிவுகளை பூசி விற்பனை செய்யப்படுவதாக கூறப்படுகிறது.

சாதாரண முட்டையை விட போலி முட்டை பளபளப்பாக இருக்கும். போலி முட்டைகளை உடைத்து பல நாட்கள் வைத்திருந்தாலும் துர்நாற்றம் வீசாது. மேலும், முட்டையை உடைக்கும்போது மஞ்சள் கரு உடையாமல் சிந்தாமல் சிதறாமல் வெளிவரும்.

நிஜ கோழி முட்டையின் ஓட்டைவிட எளிதாக உடையக் கூடியது இந்த போலி முட்டை ஓடு. நிஜ முட்டைக்கும் போலி முட்டைக்கும் சுவையில் பெரிய வித்தியாசமில்லை என்று சொல்வதை விட போலி முட்டையின் சுவை அதிகமாக இருக்கிறது.

ஆப் பாயில் போடும் போது போலி முட்டையின் அழகு தெரிய வருகிறது. மஞ்சள் கரு கொஞ்சம்கூட சிதறாமல் பந்துபோல் முழுவதாக நிமிர்ந்து நிற்கிறது. மேலும் வெள்ளைக்கரு பரவும்போது நுரையும் அதிகமாக எழுகிறது.

போலி முட்டையை உண்பதால் உடலில் மெது மெதுவாக விஷம் ஏறுகிறது என்றும் இதன் விளைவுகள் மோசமாக இருக்கும் என்றும் எச்சரிக்கை விடுகிறார்கள் உணவுத்துறை அறிஞர்கள்.

மணி பிளான்ட்டை செடியை வளர்ப்பதால் வீட்டில் செல்வம் பெருகும், கடன் தொல்லை தீரும் என்ற நம்பிக்கை நமது மக்களின் மத்தியில் இருந்து வருகிறது. இதை வீட்டில் வளர்த்தாலே பணம் பெருகும் என சிலர் நினைப்பது உண்டு. ஆனால், இந்த செடியை எப்படி வளர்க்க வேண்டும் என்று பலருக்கும் தெரிவதில்லை.

மணி பிளான்ட் வீட்டில் வளர்க்க விரும்புவோர் அதை சரியான திசையில் வளர்க்க வேண்டும்.

மணி பிளான்ட்டை தென்கிழக்கு திசை நோக்கி தான் வளர்க்க வேண்டும் என்று வாஸ்து நிபுணர்கள் கூறுகிறார்கள்.

தென்கிழக்கு திசையில் தான் அதிகம் நேர்மறையான ஆற்றல் கிடைக்கிறது என்பதால், இந்த திசையில் தான் மணி பிளான்ட் நன்கு வளரும் மற்றும் இதனால் செல்வம் பெருகும் யோகம் பெற முடியும் என வாஸ்து நிபுணர்கள் கூறுகிறார்கள்.

தென்கிழக்கு திசை விநாயகருக்கு உகந்த திசையாகும். மற்றும் இது சுக்கிரனை பிரதிநிதித்துவம் செய்யும் திசை எனக் கூறப்படுகிறது. இதன் காரணங்களுக்காக தான் மணி பிளான்ட்டை தென்கிழக்கு திசையில் வைக்க சொல்லி கூறுகிறார்கள்.

தென்கிழக்கு திசையில் மணி பிளான்ட்டை வைப்பதால், விநாயகர் தீயதை நீக்குகிறார் என்றும், சுக்கிரன் செல்வம் பெருக செய்கிறார் என்ற நம்பிக்கை நிலவிகிறது என வாஸ்து நிபுணர்கள் கூறுகிறார்கள்.

எக்காரணம் கொண்டும் மணி பிளான்ட்டை வடகிழக்கு திசையில் வைக்க கூடாது. ஏனெனில் இது எதிர்வினையை அதிகரிக்கும் திசை என கூறுகிறார்கள்.

வடகிழக்கு குருவின் திசையை பிரதிநிதித்துவம் செய்கிறது. சுக்ரனும், குருவும் எதிரிகளாக கருதப்படுகிறார்கள். இந்த திசையில் வைத்தால் நஷ்டம் ஏற்படும் என்று வாஸ்து நிபுணர்கள் கூறுகிறார்கள்.