தவறான வயதில் திருமணம் செய்துவிட்டேன் : அமலாபால் வருத்தம்

நடிகை அமலா பாலும், இயக்குனர் ஏ.எல்.விஜய்யும் காதலித்து திருமணம் செய்து கொண்டனர். இவர்களுடைய திருமணம் திரையுலகத்தினர் அனைவரும் வியந்து பார்க்கும் அளவிற்கு நடைபெற்றது. திருமணம் செய்த வேகத்திலேயே இருவரும் பிரிந்துவிட்டனர். விவாகரத்து கோரி இருவரும் சென்னையில் உள்ள குடும்பநல நீதிமன்றத்தில் மனு தாக்கல் செய்துள்ளனர்.

இந்நிலையில் விஜய் மற்றும் திரையுலகம் பற்றி ஆங்கில நாளிதழ் ஒன்றுக்கு அமலா பால் அளித்த பேட்டியில் கூறியிருப்பதாவது, ‘புது வாழ்க்கையை துவங்கியது போன்று உணர்கிறேன். 18 வயதில் நடிக்க வந்த எனக்கு 23 வயதில் திருமணமாகி 24 வயதில் இருவரும் பிரிந்துவிட்டோம். எனக்கு அறிவுரை கூற யாரும் இல்லாததால் தவறுகள் மூலம் பாடம் கற்றுக் கொண்டேன்.

விஜய்யை பிரிந்த பிறகு அழுதேன். ஆனால் அதில் இருந்தும் பாடம் கற்றுக் கொண்டேன். நான் இன்னும் விஜய்யை காதலிக்கிறேன், இனியும் காதலிப்பேன். அவர் எப்பொழுதுமே என் வாழ்வின் மிகவும் ஸ்பெஷலான நபராக இருப்பார்.

விஜய்யை பிரியும் முடிவு தான் என் வாழ்வின் மிகவும் கடினமான முடிவு. யாருமே பிரிவதற்காக திருமணம் செய்வது இல்லை. வாழ்க்கையை புரிந்து கொள்ள முடியவில்லை. விஜய்யை திருமணம் செய்ய நான் எடுத்த முடிவில் தவறு இல்லை. நான் தவறான வயதில் திருமணம் செய்து கொண்டேன். 20-களின் துவக்கத்தில் திருமணம் செய்வது நல்லது அல்ல. அதற்காக அது பற்றி நான் குறை கூறவில்லை.

பிரிவிற்கு பிறகு பல இடங்களுக்கு சென்று வந்தேன். ஒவ்வொரு அனுபவமும் புதியதாக இருந்தது. அது தான் என்னை வாழ்க்கை பற்றி புரிய வைத்தது’ என்றார்.

ஒரே நேர்க்கோட்டில் 8 சிவாலயங்களா? இந்த மர்மத்தில் ஓர் அதிசயம்!

சிலர் இதை அறிதிருக்கலாம், சிலர் இதை அறியாமல் இருக்கலாம். ஆனால், இது அனைவரும் அறிந்துக் கொள்ள வேண்டிய ஓர் அறிவியல் கலந்து ஆன்மீக விஷயமாகும்.

எந்தவொரு அறிவியல் நுண்ணறிவு மற்றும் தொழில்நுட்ப கருவிகளும் இல்லாத பண்டைய காலத்திலேயே சிவனின் பஞ்சபூத ஸ்தலங்கள் என கூறப்படும் ஐந்து கோவில்களும், இந்தியாவில் ஒரே நேர்கோட்டில் கட்டப்பட்டிருக்கின்றன.

மிக கச்சிதமாக ஒரே நேர்கோட்டில் அமைந்திருக்கும் இதை எளிதாக எதிர்பாராமல் நடந்த விஷயமாக கருத முடியாது.

கேதார்நாத்லிருந்து, ராமேஸ்வரம் வரை நேர்கோட்டில் கோவில்களை எப்படி அந்த காலத்தில் கட்டினார்கள் என்பது இன்றளவும் நீடிக்கும் மர்மமாகவே இருந்து வருகிறது.

 

பஞ்சபூத ஸ்தலம்:

நிலம் – காஞ்சிபுரம் ஏகாம்பரநாதர் கோயில் நெருப்பு – திருவண்ணாமலை அண்ணாமலையார் கோயில் நீர் – திருவானைக்கா ஜம்புகேசுவரர் கோயில் ஆகாயம் – சிதம்பரம் நடராசர் கோயில் காற்று – திருக்காளத்தி காளத்தீசுவரர் கோயில்

ஆயிரம் ஆண்டுகள் பழைமை:

சிவனின் இந்த பஞ்சபூத ஸ்தலங்களும் ஏறத்தாழ ஆயிரம் ஆண்டுகள் பழைமை வாய்ந்த கோவில்கள் ஆகும். அப்போது, எந்தவொரு தானியங்கி அல்லது செயற்கைக்கோள் உதவிகளும் இல்லை என்பது குறிப்பிடத்தக்கது.

கேதார்நாத்:

இந்த பஞ்சபூத ஸ்தலங்கள் மட்டுமின்றி இமாலயத்தில் இருக்கும் கேதார்நாத்தும் கூட இதே நேர்கோட்டிலான தீர்க்கரேகையில் (longitude ) அமைந்திருப்பது வியப்பின் உச்சத்திற்கு கொண்டு செல்கிறது.

ஆயிரம் மைல்கள்:

கேதார்நாத்திலிருந்து இராமேஸ்வரம் வரை இடைப்பட்ட தொலைவு ஏறத்தாழ 2383 கிலோமீட்டர்கள் ஆகும். இவ்வளவு இடைப்பட்ட தூரத்தில் இடையிடையே அமைந்திருக்கும் இந்த சிவாலயங்கள் ஒரே தீர்க்கரேகையில் அமைந்திருப்பது மர்மம் விலகாமலேயே நீடித்து வருகிறது.

தீர்க்கரேகை நிலை:

1) கேதார்நாத் – கேதார்நாத் கோயில் (30.7352° N, 79.0669)

2) காலேஷ்வரம் – காலேஷ்வரா முக்தீஷ்வரா சுவாமி கோயில் (18.8110, 79.9067)

3) ஸ்ரீ காலஹஸ்தி – ஸ்ரீ காலஹஸ்தி கோயில் (13.749802, 79.698410)

4) காஞ்சிபுரம் – ஏகாம்பரநாதர் கோயில் (12.847604, 79.699798)

5) திருவானைக்காவல் – ஜம்புகேஸ்வரர் கோயில் (10.853383, 78.705455)

6) திருவண்ணாமலை – அண்ணாமலையார் கோயில் (12.231942, 79.067694)

7) சிதம்பரம் – நடராஜர் கோவிலில் (11.399596, 79.693559)

8) ராமேஸ்வரம் – ராமநாத கோயில் (9.2881, 79.3174)

ஏனைய சிவாலயங்கள்:

கேதார்நாத் முதல் காலேஷ்வரம் வரை இடையே இன்னும் பல சிவாலயங்கள் இதே நேர்கோட்டில் தீர்க்கரேகையில் அமைந்திருக்கலாம் எனவும் தொல்பொருள் ஆராய்ச்சியாளர்கள் கருதுகின்றனர்.

குளிர்காலத்தில் ஏற்படும் சரும பாதிப்பை தடுக்கும் வழிகள்

• குளிர்காலத்தில் தவறாமல் கை, கால்களுக்கு மாய்ஸ்சுரைசர் பயன்படுத்த வேண்டும். இதனால் சருமத்தில் ஈரப்பசை தக்க வைக்கப்படும். அதற்காக மிகுந்த எண்ணெய் பசை கொண்ட மாய்சுரைசரைப் பயன்படுத்தாமல், ஜெல் அல்லது க்ரீம் வகை மாய்ஸ்சுரைசரைப் பயன்படுத்துவது சிறந்தது.

• குளிர்காலத்தில் தினமும் இரவில் படுக்கும் முன், ஆலிவ் ஆயில் அல்லது தேங்காய் எண்ணெய் கொண்டு மசாஜ் செய்து வாருங்கள். இதனால் சரும செல்களுக்கு ஊட்டம் அளிக்கப்பட்டு, பாதிக்கப்பட்ட செல்களும் புத்துயிர் பெறும்.

• குளிர்காலத்தில் பலரும் நல்ல சூடான நீரில் குளிக்கத் தான் விரும்புவோம். ஆனால் சுடுநீர் சரும வறட்சியை அதிகரிக்கும். எனவே வெதுவெதுப்பான நீரையே எப்போதும் பயன்படுத்த வேண்டும்.

• குளிர்காலத்தில் தவறாமல் ஸ்கரப் செய்ய வேண்டும். இதனால் சருமத்தில் உள்ள இறந்த செல்கள் வெளியேற்றப்பட்டு, சருமம் மென்மையாகவும் பொலிவுடனும் இருக்கும். அதிலும் ஓட்ஸ், காபி பவுடர் போன்றவற்றைக் கொண்டு ஸ்கரப் செய்வது மிகவும் நல்லது.

• கொழுப்பு அமிலங்கள் நிறைந்த உணவுகளான நட்ஸ், மீன் போன்றவற்றை அதிகம் சாப்பிட வேண்டும். அதுமட்டுமின்றி, ஸ்டார்ச் மற்றும் சர்க்கரை நிறைந்த உணவுகளைத் தவிர்க்க வேண்டும். ஏனெனில் அவை வயிற்று உப்புசத்தையும், முகப்பருக்களையும் உண்டாக்கும்.

நீதித்துறை மீது தமிழ் மக்கள் சந்தேகம் இளஞ்செழியன்!

வட மாகாணத்தில் கைது செய்யப்படுபவர்களை தெற்கிலுள்ள நீதிமன்றங்களில் ஆஜர்படுத்துகின்றமை நீதித்துறை பற்றி தமிழ் மக்களிடையே நம்பிக்கையீனத்தை தோற்றுவிப்பதாக யாழ். மேல் நீதிமன்ற நீதிபதி மா.இளஞ்செழியன் தெரிவித்துள்ளார்.

அண்மையில் யாழ்ப்பாணம் உள்ளிட்ட வடமாகாணத்தில் வாள்வெட்டுக்கள் உட்பட சமூக விரோத செயல்களில் ஈடுபட்ட என்ற சந்தேகத்தின் அடிப்படையில் அவர்கள் ஆவா குழுவை சேர்ந்தவர்கள் என்ற அடிப்படையில் பலர் பயங்கரவாதத் தடுப்புப் பிரிவினரால் கைதுசெய்யப்பட்டிருந்தனர்.

இந்நிலையில் இவ்வாறு கைதுசெய்யப்பட்டவர்கள் கொழும்பு நீதிமன்றில் முற்படுத்தப்பட்டுள்ளனர். ‘இலங்கை அரசியல் அமைப்பு சட்டத்தின் பிரகாரம் கைதுசெய்யப்படுகின்ற நபர், அவர் எப்பிரதேசத்தில் கைதுசெய்யப்படுகிறாரோ அவர் அப்பிரதேசத்துக்கு அருகில் இருக்கும் நீதிமன்றத்தில் முற்படுத்த வேண்டும் என அரசியலமைப்பு சட்டம் கூறுகின்றது.

ஆனால், தற்போது கைதுசெய்யப்பட்டவர்கள் கொழும்பு நீதிமன்றில் பயங்கரவாதத் தடுப்புப் பிரிவினரால் முற்படுத்தப்பட்டுள்ளனர். ‘குறிப்பாக யுத்த காலத்தில் இவ்வாறு கொழும்பு நீதிமன்றில் பாதுகாப்பு காரணங்களுக்காக முற்படுத்தப்பட்டிருந்தமை ஏற்றுக்கொள்ள முடியுமாக உள்ளபோதும் தற்போது நாடு முழுவதும் பாதுகாப்பு உறுதிப்படுத்தப்பட்டுள்ள நிலையிலும் 9 நீதிமன்றங்கள் இங்குள்ள போதும் மீண்டும் கொழும்பு நீதிமன்றத்தில் முற்படுத்தப்பவது தொடர்பாக வடமாகாணத்தில் எந்த நீதிமன்றங்களும் இல்லையா? என்ற கேள்வியும் எண்ணமும் மக்கள் மத்தியில் எழுப்பியுள்ளன.

ஆவா குழுவை சேர்ந்தவர்கள் என்ற குற்றச்சாட்டில் கைதுசெய்யப்பட்டு 70 சதவீதமானவர்கள் சிறைச்சாலையில் தடுத்து வைக்கப்பட்டுள்ளனர். இவ்வாறன நிலையில் இங்குள்ள நீதிமன்றங்களில் இவ் வழக்குகள் விசாரணையில் உள்ள நிலையிலும் தற்போது கைதுசெய்யப்பட்டவர்கள் வெளிநீதிமன்றங்களில் முற்படுத்துவதானது இலங்கையின் அரசியலமைப்பு சட்டத்தின் பிரகாரமும் சர்வதேச மனிதவுரிமை சட்டத்தினையும் அரசியல் சிவில் சட்டத்தினையும் மீறிய செயற்பாடு ஆகுமெனவும் யாழ்.மேல் நீதிமன்ற நீதிபதி மா.இளஞ்செழியன் தெரிவித்துள்ளார்.

மூட நம்பிக்கையில் புதைந்து இருக்கும் அறிவியல் காரணம் இதோ!

முன்பு நாம் கடைபிடித்து வந்த ஒவ்வொரு சிறிய விஷயங்களுக்கு முன்பும் ஏதோ ஒரு நல்ல விஷயம் புதைந்திருக்கிறது. காலப்போக்கில் அவற்றை மறந்து நாம் அதை மூட நம்பிக்கை என கூற துவங்கிவிட்டோம்.

அதில் ஒன்று தான் வீட்டு வாசலில் எலுமிச்சை, மிளகாய், கரி சேர்த்து கட்டுவது. வாராவாரம் நமது வீடுகளில் வெள்ளிக்கிழமை அன்று வீட்டு வாசலில் தொங்கும் எலுமிச்சை, மிளகாய், கரி சேர்த்து கட்டுவது வழக்கமாக இருக்கும்.

புதியதை கட்டிய பிறகு, பழையதை யார் காலும் படாதபடி இடத்தில் வீசிவிட வீட்டில் உள்ள பெரியவர்கள் கூறுவார்கள். ஏன் இதை நமது முன்னோர்கள் செய்தனர்?

இதன் பின்னணியில் மறைந்திருக்கும் அறிவியல் காரணம் என்ன?

அலக்ஷ்மி

எலுமிச்சை, சிவப்பு மிளகாய், கரி சேர்த்து வீடு, அலுவலகம் வாசலில் கட்டுவது ஏன் என்று கேட்டால். பெரும்பாலும் அனைவரும் அலக்ஷ்மி கதை தான் கூறுவார்.

அலக்ஷ்மி என்பது மூதேவி என அறியப்படும் லக்ஷிமியின் தங்கை ஆவார். இவர் வீட்டில் உள்ள செழிப்பை எடுத்து சென்று விடுவார். என்ற கதை ஒன்றை கூறுவார்.

மூடநம்பிக்கை! அலக்ஷ்மி, புளிப்பு, காரம், சூடான பொருட்களை விரும்புவார். அதனால் வீட்டு வாசலில் எலுமிச்சை, மிளகாய், கரி சேர்த்து கட்டி வைப்பதால், அவருக்கு பிடித்தமான இவற்றை சாப்பிட்டு, வீட்டுக்குள் நுழையாமல் சென்றுவிடுவார். இதனால், செழிப்பு தங்கும் என நம்புகிறார்கள்.

அறிவியல் என்ன கூறுகிறது?

எலுமிச்சை மற்றும் மிளகாயில் வைட்டமின் சி நிறைய இருக்கிறது. இதில் கயிறு கோர்த்து கட்டும் போது. காட்டன் கயிறு அந்த ஊட்டச்சத்துக்களை உறிஞ்சிக் கொள்ளும். மெல்ல, மெல்ல அது ஆவியாக வெளிப்படும்.

ஆரோக்கியம்!

இவ்வாறு வெளிப்படும் காற்றை சுவாசிப்பதால் சில ஆரோக்கிய நன்மைகள் இருக்கின்றன. எலுமிச்சை, மிளகாயில் இருந்து வெளிப்படும் வாசத்தை தாண்டி, இது நச்சுக்கள் வீட்டுக்குள் நுழையாமல் பாதுகாக்கின்றன. இதனால் நோய் தொற்றுகள் அண்டாமல் பாதுகாப்பாக இருக்க முடியும்.

என்ன லாஜிக் இது? சிலர் இப்படி வாசலில் கட்டி வீசிய பழைய எலுமிச்சை, மிளகாயை காலால் மிதிக்க கூடாது. மிதித்துவிட்டால் கால்களை கழுவாமல் அப்படியே வீட்டுக்குள் வரக் கூடாது என கூறுவார்.

கழற்றி எறிந்த பழைய எலுமிச்சை மிளகாய் நிறைய நச்சுக்களை உள் தாங்கி இருக்கும். இதை மிதித்து அப்படியே வீட்டுக்குள் வந்தால் நச்சுக்கள் பரவும் என்பதால் தான். இதை மிதிக்க கூடாது என்கிறார்கள்.

வேறு கருவிகள்

இன்று வீட்டில் நச்சுக்கள் அண்டாமல் இருக்க பல பூச்சிக் கொல்லிகள் வந்துவிட்டன. ஆனால், இரசாயன கலப்பு கொண்ட அவற்றை நாம் சுவாசிப்பதால் நாள்பட சுவாசக் கோளாறுகள் உண்டாகலாம்.

ஆனால், இந்த இயற்கை முறையால் உடல்நலக் கோளாறுகள் ஏற்பட வாய்ப்புகள் இல்லை.

மருவியது

ஏதோ காரணத்திற்காக கடைப்பிடிக்கப்பட்டு வந்த ஒரு செயல்பாடு. பிற்காலத்தில். மூட நம்பிக்கை, ஒரு மதத்தை சார்ந்தவர்கள் மட்டுமே செய்ய வேண்டியது என மருவிவிட்டது என்பது தான் உண்மை.

கர்ப்ப கால தூக்கமின்மையை விரட்ட எளிய வழிகள்

• கர்ப்ப காலத்தில் பணி நேரம் மாற்றம் போன்ற காரணத்தால் சில சமயம் தூக்கமின்மை ஏற்படலாம். இது உடல் வலி அல்லது வயிற்றுக் கோளாறு போன்றாவற்றால் கூட தூண்டப்படலாம். அவ்வாறு தூண்டப்பட்டால் ஒரு சிலருக்கு தன்னிச்சையான வாந்தி ஏற்படலாம் அல்லது கர்ப்பிணிகள் ஆழ்ந்த உறக்கத்திற்கு சென்று விடலாம்.

• கர்ப்ப காலத்தில் கெட்ட கனவுகள் மற்றும் தூக்கத்தில் நடக்கும் வியாதி போன்றவையும் கூட தூக்கமின்மை வர காரணமாகலாம். இதன் காரணமாக பாதிக்கப்பட்ட நபர்களுக்கு, பித்து அல்லது போபியா போன்ற மன நோய்கள் உருவாகலாம். மருந்து எடுத்துக் கொள்ளுதல், உடல் வறட்சி மற்றும் போதிய உடற்பயிற்சி இல்லாமை போன்ற வெளிப்புற காரணிகள் கூட தூக்கமின்மையை தூண்டலாம்.

• கர்ப்ப காலத்தில் தூக்கமின்மை வருவதற்கு ஏகப்பட்ட காரணங்கள் உள்ளன. அவ்வாறு வருவதற்கு குழந்தையும் கூட ஒரு காரணமாக இருக்கலாம் அல்லது இல்லாமல் போகலாம். ஒரு கர்ப்பிணி தாய் கருவுற்ற பிந்தைய கால கட்டங்களில், கரு நன்கு வளர்ந்து விடுவதால் அவரது வயிற்றின் அளவு அதிகரிக்கும். அவ்வாறு ஏற்படும் சங்கடங்கள் கூட தூக்கமின்மை வர காரணமாக இருக்கலாம்.

• ஒரு சில தாய்மார்களுக்கு குழந்தையின் அதிக எடை காரணமாக முதுகு வலி வரும். அவ்வாறு உண்டாகும் முதுகுவலியானது அந்த தாய்க்கு தூக்கமில்லாத இரவுகளை நிச்சயம் பரிசளிக்கும். குழந்தையின் அதிக எடையானது தாயின் சிறுநீர்ப்பை மீது ஒரு அழுத்தத்தை உருவாக்கும். அதன் காரணமாக அந்த தாய்க்கு இரவு முழுவதும் அடிக்கடி சிறுநீர் வரும். இதன் காரணமாக அந்தத் தாயால் கண்டிப்பாக இரவு முழுவதும் நிம்மதியாக தூங்க இயலாது.

• கர்ப்ப கால கவலைகள் கர்ப்ப காலத்தில் ஏற்படும் கவலைகள் கண்டிப்பாக தூக்கமின்மையை ஏற்படுத்துவதுடன், ஒரு தீய சுழற்சியையும் ஏற்படுத்துகின்றது. மேலும் கர்ப்ப கால ஹார்மோன் மாற்றங்கள் தூக்கமின்மையை ஏற்படுத்துவதால், ஒரு தாய் இயற்கையாகவே அடிக்கடி இரவில் விழித்து இருப்பாள்.

• ஒரு தாய் தன் தூக்கமின்மைப் பற்றி கவலைப்பட்டால் அது அவளது குழந்தையையும் கண்டிப்பாக பாதிக்கக்கூடும். இந்தப் பதற்றம் தூக்கமின்மையை மேலும் அதிகரிக்கும். எனவே கர்ப்பிணி பெண்கள் கர்ப்ப காலத்தில் தூக்கமின்மை எவ்வாறு சமாளிக்க முடியும்?. கருவின் எடை காரணமாக உங்களுடைய வயிற்றின் அளவு, வடிவம் மற்றும் எடை, உங்களை கட்டாயம் கஷ்டப்படுத்தும். எனவே நீங்கள் புதிய நிலைகளில் தூங்க முயற்சி செய்வீர்கள். அது உங்களுக்கு கட்டாய முதுகு வலியைத் தரும்.

• கர்ப்பிணிகள் இடது பக்கமாக தூங்குவதோடு, ஒரு குஷன் அல்லது மென்மையான பொருள் எதையாவது உங்களுடைய வயிற்றுக்கு கீழ் வைத்துக் கொண்டு தூங்க முயற்சி செய்யலாம்.

• தூங்க முயற்சிக்கும் முன் சூடான வெந்நீரில் குளியல் போடுவது உங்களுடைய அழுத்தத்தை குறைத்து, தூக்கத்தைப் பரிசளிக்கும்.

• நல்ல மனதுக்கு பிடித்த இசை இங்கே சில நன்மைகளைத் தருகின்றது. கர்ப்ப காலத்தில் இயற்கையான ஒலிகளான பறவைகளின் ரீங்காரங்கள் அல்லது கரையில் மோதும் கடலின் ஒலி போன்றவை உங்களுக்கு ஆழ்ந்த உறக்கத்தைத் தரும்.

• கர்ப்ப காலத்தில் இரவு நேரங்களில் கார்போஹைட்ரேட் அதிகம் உள்ள உணவுகளை குறைந்த அளவு எடுத்துக் கொள்வது, மூளை அதிக அளவில் செரோட்டினை உற்பத்தி செய்வதை ஊக்குவிக்கும். செரோட்டின் ஆனது கர்ப்பிணிகள் நன்றாக தூங்க உங்களுக்கு துணை புரியும்.

உலகில் முதல் தலைமாற்று சத்திர சிகிச்சை! வரலாற்று சாதனை படைக்கும் மருத்துவர்கள்

ஒரு நபரின் உடலில் வெட்டி அகற்றப்பட்ட பாகங்கள் மற்றவர்களுக்கு பொருத்தும் சத்திரசிகிச்சை பற்றி நாம் கேள்விபட்டிருப்போம்.

பிற நபரிடம் இருந்து பெறப்பட்ட சிறுநீரகம், கண் ஆகியன மற்றவர்களுக்கு சத்திரசிகிச்சை மூலம் பொருத்தப்பட்டு வருகிறது.

ஆனால், ஒருவரின் தலை மற்றுமொருவரின் உடலில் பொருத்தப்பட்ட சத்திர சிகிச்சை பற்றி நீங்கள் கேள்விபட்டுள்ளீர்களா?.

உலகில் மிகவும் ஆபத்தான சத்திர சிகிச்சையான இந்த சத்திர சிகிச்சையை பெற்ற மருத்துவர்கள் குழுவொன்று தயாராகி வருகிறது.

தனது அங்கவீனமான உடலுக்கு பிரிதொரு உடலை பொருத்தும் இந்த ஆபத்தான சத்திர சிகிச்சைக்கு ரஷ்யாவை சேர்ந்த இளைஞர் இணங்கியுள்ளார். வெலரி ஸ்பிரிடனோவ் என்ற இந்த இளைஞர் அங்கவீனம் காரணமாக சக்கர நாற்காலியை பயன்படுத்தி வருகிறார்.

இந்த சத்திரசிகிச்சை வெற்றியளித்தால், மூளை சாவடைந்த ஒருவரின் உடலை தனது தலையை பொருத்தி சாதாரண வாழ்க்கையை வாழ முடியும்.

எவ்வாறாயினும் இந்த சத்திர சிகிச்சையானது ஆயிரம் மடங்கு மிகவும் ஆபத்து நிறைந்த சத்திர சிகிச்சையாகும். சத்திர சிகிச்சை தோல்வியடைந்தால், அங்கவீனமடைந்த இந்த இளைஞன் மரணத்தை சந்திப்பார்.

இது சம்பந்தமாக கருத்து வெளியிட்டுள்ள மருத்துவர்கள் குழு, இந்த சத்திர சிகிச்சை எந்த வகையிலும் தோல்வியடையாது என கூறியுள்ளனர்.

எவ்வாறாயினும் இந்த சத்திர சிகிச்சை ஆபத்தானது என்பதையும் அவர்கள் ஏற்றுக்கொண்டுள்ளனர்.

இவ்வாறான சூழ்நிலையில், லண்டனை சேர்ந்த மருத்துவர்கள் குழு சத்திர சிகிச்சைக்கு தயாராகி வருகின்றனர். இதில் வெற்றி பெற முடியும் என மருத்துவர்கள் குழு நம்பிக்கை வெளியிட்டுள்ளது.

சத்திர சிகிச்சை வெற்றிப் பெற்றால், உலகில் உடல் அங்கவீனமாக வாழ்ந்து வரும் மக்களுக்கு புதிய எதிர்பார்ப்பை உண்டாகும் என்பது நிச்சயம்.

ஒரே ஒரு செக்கனில் உங்கள் கைப்பேசியினை சார்ஜ் செய்யலாம்!

ஸ்மார்ட் கைப்பேசி பாவனையாளர்களுக்கு பெரும் தலைவலியாக இருப்பது மின்கலத்தின் சார்ஜ் ஆனது விரைவாக குறைவடைவதாகும்.

இதேவேளை அம் மின்கலங்களை மீண்டும் சார்ஜ் செய்வதற்கு நீண்ட நேரம் எடுக்கும்.

இப் பிரச்சினைக்கு தீர்வு தரும் வகையில் புதிய தொழில்நுட்பம் ஒன்றினை விஞ்ஞானிகள் கண்டுபிடித்துள்ளனர்.

அதாவது மின்கலங்களுக்கு பதிலாக சூப்பர்கொள்ளளவி (Super Capacitors) எனும் இலத்திரனியல் சாதனத்தை பயன்படுத்துவதாகும்.

இதுவரை உள்ள கொள்ளளவிகள் அதிக அளவில் மின் சக்தியை சேமித்து வைத்திருப்பதில்லை. ஆனாலும் அதிக வினைத்திறனுடன் மின்சக்திய வெளிவிடக்கூடியன.

charger

எனினும் புதிய தொழில்நுட்பத்தின் அடிப்படையில் அதிகளவு மின் சக்தியை சேமித்து வைத்திருக்கக்கூடிய சூப்பர் கொள்ளளவிகளை உருவாக்க முடியும் என விஞ்ஞானிகள் தெரிவித்துள்ளனர்.

இதனால் ஓரிரு செக்கன்களில் அக் கொள்ளவிகளை சார்ஜ் செய்ய முடிவதுடன், ஒரு வார காலத்திற்கு தொடர்ச்சியாக பாவிக்க முடியும் எனவும் குறிப்பிட்டுள்ளனர்.

இத் தகவலை Central Florida பல்கலைக்கழக ஆராய்ச்யாளரான Nitin Choudhary என்பவர் தெரிவித்துள்ளார்.

நான் உன்னை திருமணம் செய்து கொள்கிறேன்! பெண்ணுக்கு வாக்கு கொடுத்த ராகுல்காந்தி- பரபரப்பு பேட்டி

New Delhi: Congress Vice President Rahul Gandhi addressing the media at Parliament during the winter session, in New Delhi on on Tuesday. PTI Photo by Subhav Shukla (PTI11_22_2016_000122B)

காங்கிரஸ் கட்சியின் துணைத்தலைவர் ராகுல் காந்தி தன்னை திருமணம் செய்துகொள்வதாக கனவில் வாக்குறுதி அளித்தார் என அக்கட்சியின் பெண் தொண்டர் கூறியுள்ளது பரபரப்பை ஏற்படுத்தியுள்ளது.

உத்தரபிரதேச மாநிலம் அலகாபாத்தை சேர்ந்த இப்பெண் காங்கிரஸ் கட்சியின் தீவிர தொண்டர் ஆவார்.

தலித் வீடுகளுக்கு செல்வது, அவர்களுடன் சேர்ந்து உணவருந்துவது என ராகுல்காந்தியின் செயலால் ஈர்க்கப்பட்ட இப்பெண், அவர் மீதான காதலை தெரியப்படுத்தியுள்ளார்.

காங்கிரஸ் கட்சிக்காக நீண்ட நாட்கள் தீவிரமாக பணியாற்றி வருகின்றேன், அவர் என்னை ஏன் திருமணம் செய்யக் கூடாது என கூறியுள்ளார்.

தலித் மக்களுக்கு உதவி செய்யும் அவர், ஏன் ஒரு தலித் பெண்ணை திருமணம் செய்துகொள்ள கூடாது, அமேதி தொகுதி எம்.பி.யை பலமுறை சந்தித்து இதுகுறித்து பேசியுள்ளேன் என கூறியுள்ளார்.

மேலும், என்னை திருமணம் செய்துகொள்வதாக ராகுல்காந்தி எனக்கு வாக்குறுதி அளித்தார். ஆனால் இது நிஜத்தில் இல்லை…கனவில்.

மேலும் எங்களுக்கு திருமணமாகி குழந்தையும் உள்ளது என தனது கனவு வாழ்க்கை குறித்து பேசி பரபரப்பை ஏற்படுத்தியுள்ளார்.

சிநேகாவை பிடிக்க இதுதான் காரணம்: பிரசன்னாவின் காதல் பதில்

திரையில் உருக உருக காதலிக்கும் நடிகர் நடிகைகள், நிஜ வாழ்க்கையிலும் காதல் செய்து தம்பதிகளாக இணைவது ஒன்றும் புதிதான விடயமல்ல.

காதலித்து திருமணம் செய்வது எவ்வளவு கடினமோ. அதே போல தான் திருமணத்திற்கு பிறகு வாழ்ந்து காட்டுவதும்.

என்னதான் வாழ்க்கையில் பல்வேறு பிரச்சனைகள் வந்தாலும் , அவற்றையெல்லாம் பெரிதுபடுத்தாமல் இருவரும் ஒருவர் மீது ஒருவர் வைத்திருக்கும் காதலில் தீர்மானமாக இருந்தாலும், அங்கு பிரிவு என்ற ஒன்றிற்கே இடமிருக்காது.

அப்படி, காதலித்த கரம் பிடித்து தற்போது வெற்றிகரமாக வாழ்ந்துகொண்டிருக்கும் சினேகா பிரசன்னாவின் காதல் கதை பற்றி தெரிந்துகொள்ளுங்கள்.

தமிழ்த்திரை உலகில் கொடிகட்டி பறந்த சினேகா, அப்போது வளர்ந்து வரும் நடிகரான பிரசன்னாவை காதல் திருமணம் செய்தார்.

அச்சமுண்டு, அச்சமுண்டு திரைப்படத்தின் மூலம் இவர்கள் இருவரும் இணைந்து நடித்தபோது இவர்களுக்குள் காதல் ஏற்பட்டாலும், பிரசன்னாவுக்கு முன்னரே சினோகாவை பிடிக்குமாம்.

2012 ஆம் ஆண்டு இவர்கள் இருவரும் காதலிப்பதாக கிசுகிசுக்கள் வெளியாகின. ஆனால் அதனை இருவரும் மறுத்து வந்தார்கள். அதன்பின்னர், அந்த ஆண்டில் வந்த காதலர் தினம்(பிப்ரவரி 14) அன்று, இருவரும் ஜோடியாக பத்திரிகைகளுக்கு ‘போஸ்’ கொடுத்து காதலை உறுதிப் படுத்தி, பரிசு பொருட்களை பரிமாறிக் கொண்டார்கள்.

சினேகாவுடன் காதல் மலர்ந்தது பற்றி பிரசன்னா கூறியதாவது, அச்சமுண்டு அச்சமுண்டு படத்தில் இணைந்து நடித்தபோது எங்களுக்குள் தொழில் ரீதியான பழக்கம்தான் இருந்தது.

படம் முடிந்தபிறகு ஒருத்தரை ஒருத்தர் பேசாமல் இருக்க முடியவில்லை. போனிலும், எஸ்.எம்.எஸ். மூலமும் பேசி நெருக்கமானோம்.

அதன்பின்னர் எங்கள் இருவருக்குள் காதல் மலர்ந்தது. சினேகாவிடம் நிறைய விஷயங்கள் எனக்கு பிடித்துள்ளது. ரொம்ப வித்தியாசமானவர். பெரிய நடிகையாக இருந்தும் எளிமையாக இருப்பார்.

மூத்தவர்களை மதிக்கக்கூடியவர். குடும்பத்தினருடன் நெருக்கமாக இருக்கிறார். இதனால்தான் அவர்மேல் காதல் வயப்பட்டேன்.

அதேபோல் ராமதாசு என்ற தெலுங்கு படத்திலும் சிறந்த நடிப்பை வெளிப்படுத்தி இருந்தார். அந்த படமும் எனக்கு சினேகாவை பிடிக்க காரணமாக இருந்தது என கூறியுள்ளார்.

இதில், சுவாரசியம் என்னவென்றால், பிரசன்னா இதுவரை தன்னிடம் ஐலவ்யூ சொன்னதே இல்லை என்று செல்லமாக ஒரு பேட்டியின் போது கூறியிருந்தார்.

சினேகாவின் பெற்றோர்களும், பிரசன்னாவின் பெற்றோர்களும் இவர்களின் காதலுக்கு சம்மதம் தெரிவித்ததையடுத்து, 2012 மே 11 ஆம் திகதி, சென்னை வானகரம் அருகில் உள்ள ஸ்ரீவாரு வெங்கடாசலபதி மண்டபத்தில் இவர்களது திருமணம் சிறப்பாக நடந்தது

காதல் ததும்ப இல்லறம் நடத்தி வரும் இந்த தம்பதியினருக்கு விகான் என்ற அழகிய ஆண் குழந்தை உள்ளது.

கடுப்பேற்றிய சிறுமிக்கு நாய் கொடுத்த பதிலடி: செம காமெடிக் காட்சி!….

தன்னை நண்பனாக்க முயன்ற இளைஞருக்கு சிங்கம் கொடுத்த பேரதிர்ச்சி!…

காட்டு விலங்குகளை கூண்டுகளுள் பூட்டி வைத்து வேடிக்கை காட்டுவது என்பது இப்போது ஒரு வாடிக்கையாகவே இருக்கின்றது. ஆனால் இவ்வாறு காட்டு விலங்குகளை கட்டிப் போடுவதெல்லாம் மிருக வதைச் சட்டத்திற்குள் தற்போது உள்ளடக்கப்பட்டு அவற்றினை பாதுகாப்பதற்கான ஏற்பாடுகள் மும்முரமாக இடம்பெறுகின்றன.

இருந்தும் தற்போதைய இளைஞர்கள் கொடிய விலங்குகளுடன் நின்று புகைப்படம் எடுப்பதையெல்லாம் ஒரு வீரமாகக் கருதுகின்றனர். இவ்வாறு தனது உணவை எடுத்துக்கொண்டிருக்கும் சிங்கம் ஒன்றுடன் படம் எடுப்பதற்காக அதனை நண்பனாக்க முயன்ற இளைஞனை கொடூரமாக தாக்கியுள்ளது.

இச் சம்பவம் பாகிஸ்தானில் இடம்பெற்றுள்ளது. இதேவேளை சவுதி அரேபியாவில் புலி ஒன்று ஐந்து வயது சிறுமியை தாக்கிய சம்பவம் ஒன்று இரு தினங்களுக்கு முன்னர் இடம்பெற்றிருந்தமை தெரிந்ததே. எனவே மிருகக்காட்சி சாலைகளுக்கு செல்லும்போது மிகவும் அவதானமாக இருக்கவும்.

 

சிறுநீரகங்களில் உள்ள அழுக்குகளை வெளியேற்ற வேண்டுமா?

உடலின் முறையான செயல்பாட்டிற்கு சிறுநீரகங்களின் ஆரோக்கியம் முக்கிய பங்கை வகிக்கிறது. சிறுநீரகங்கள் கழிவுகளைப் பிரித்தெடுத்து வெளியேற்றும் முக்கிய பணியை செய்வதால், இதனை அடிக்கடி சுத்தம் செய்ய வேண்டும்.

அதற்கு சிறுநீரகங்களை சுத்தம் செய்யும் உணவுகள் மற்றும் பானங்களை அடிக்கடி உட்கொள்ள வேண்டும். தற்போது எங்கும் ஆரோக்கியமற்ற உணவுகள் இருப்பதால், சிறுநீரகங்களில் கழிவுகளின் தேக்கம் அதிகரித்து, சிறுநீரகங்களின் ஆரோக்கியம் பாதிக்கப்படுகிறது.

அதோடு புகைப்பிடிப்து, மது அருந்துவது, போதிய நீரைப் பருகாமல் இருப்பது போன்றவற்றாலும், சிறுநீரகங்களில் கழிகளின் தேக்கம் அதிகரிக்கிறது. இங்கு சிறுநீரகங்களை சுத்தம் செய்ய உதவும் பானங்கள் கொடுக்கப்பட்டுள்ளன.அவற்றை அடிக்கடிப் பருகினால், சிறுநீரகங்கள் சுத்தமாகவும், ஆரோக்கியமாகவும் இருக்கும்.

வெண்டைக்காய் – 2
தண்ணீர் – தேவையான அளவு

வெண்டைக்காயின் இரு முனைகளையும் நீக்கிவிட்டு, நீரில் போட்டு, இரவு முழுவதும் ஊற வைக்க வேண்டும். மறுநாள் காலையில் வெறும் வயிற்றில், காலை உணவு உண்பதற்கு 30 நிமிடத்திற்கு முன் குடிக்க வேண்டும். இப்படி ஏழு நாட்கள் தொடர்ந்து குடித்து வந்தால், சிறுநீரகங்கள் சுத்தமாகி, அதன் செயல்பாடு மேம்பட்டிருப்பதைக் காணலாம்.

பார்ஸ்லி – சிறிது
நீர் – தேவையான அளவு

முதலில் பார்ஸ்லியை நீரில் நன்கு கழுவிவிட்டு, பின் அதனை துண்டுகளாக்கி, ஒரு பாத்திரத்தில் போட்டு, தண்ணீர் ஊற்றி கொதிக்க வைத்து, பின் 5-10 நிமிடம் குறைவான தீயில் வேக வைத்து இறக்கி, குளிர்ந்ததும் வடிகட்டி ஃப்ரிட்ஜி ல் வைத்து, மறுநாள் காலையில் ஒரு கப் குடிக்க வேண்டும். இப்படி சில நாட்கள் தொடர்ந்து செய்து வர, உடலில் உள்ள டாக்ஸின்கள் வெளியேறி, உடலில் ஆற்றல் முழுமையாக நிறைந்திருக்கும்.

திராட்சையில் நீர்ப்பெருக்கி பண்புகள் உள்ளது. இதன் ஜூஸை ஒருவர் தினமும் குடித்து வந்தால், சிறுநீரகங்களில் உள்ள அழுக்குகள் அவ்வப்போது வெளியேற்றப்பட்டு, சிறுநீரகங்களின் ஆரோக்கியம் மேம்படும்.

பாலமுரளி கிருஷ்ணா மரணம்: கருணாநிதி இரங்கல்

தி.மு.க. தலைவர் கருணாநிதி வெளியிட்டுள்ள இரங்கல் செய்தியில் கூறி இருப்பதாவது:-

பழம்பெரும் கர்நாடக இசைமேதை, பாலமுரளி கிருஷ்ணா சில நாட்கள் உடல் நலக் குறைவாக இருந்து, நேற்று மறைந்து விட்டார் என்ற செய்தி அறிந்து பெரிதும் வருந்துகிறேன். தன்னுடைய மிக இளம் வயதிலேயே சிறந்த இசை வாணராகப் பெயர் பெற்று, தமிழகத்திலும், ஆந்திர மாநிலத்திலும் மற்றும் உலகின் பல பகுதிகளிலும் பல்லாயிரக்கணக்கான கச்சேரிகளில் பங்கு பெற்று தனக்கெனத் தனிப் புகழ் நாட்டியவர்.

திரை உலகத்திலும் இசைத் துறையில் பங்கேற்று வெற்றிக் கொடி ஏற்றியிருக்கிறார். கழக ஆட்சியில் கோவையில் நடத்தப்பட்ட உலகத் தமிழ்ச் செம்மொழி மாநாட்டிற்காக நான் இயற்றிய இசைப் பாடலின் சில வரிகளை அவர் பாடியது இன்னும் எனது செவிகளில் தவழ்ந்து கொண்டுள்ளது.

மத்திய அரசின் “பத்ம விபூ‌ஷன்” விருது, சென்னை மியூசிக் அகாடமியின் “சங்கீத கலாநிதி” விருது உள்ளிட்ட எண்ணற்ற விருதுகளை பாலமுரளி கிருஷ்ணா பெற்றுள்ளார். அவருடைய மறைவுக்கு என்னுடைய ஆழ்ந்த இரங்கலையும், அவருடைய குடும்பத்தினருக்கும், நண்பர்களுக்கும், குறிப்பாக இசை உலகத்தினருக்கும் என் ஆறுதலையும் தெரிவித்துக் கொள்கிறேன்.

இவ்வாறு அவர் கூறியுள்ளார்.

பட அதிபர் மதனுக்கு 7 நாள் போலீஸ் காவல்: சைதாப்பேட்டை நீதிமன்றம் உத்தரவு

எஸ்.ஆர்.எம். பல்கலை கழகத்தில் மருத்துவ படிப்புக்கு சீட் வாங்கி தருவதாக கூறி 123 பேரிடம் ரூ.85 கோடியை சுருட்டிய சினிமா பட அதிபர் மதன் கடந்த மே மாத இறுதியில் தலைமறைவானார். கடந்த 5½ மாதங்களாக மதனை போலீசாரால் தேடப்பட்டு வந்த மதன் திருப்பூரில் சிக்கினார். தனது தோழி வர்ஷா வீட்டில் பதுங்கி இருந்த போது பிடிபட்ட மதனை போலீசார் சென்னைக்கு அழைத்து வந்து கோர்ட்டில் ஆஜர்படுத்தி புழல் சிறையில் அடைத்தனர்.

மோசடி பணத்தை மதன் எங்காவது பதுக்கி வைத்துள்ளாரா? இல்லை ரூ.85 கோடியையும் யாருக்காவது பிரித்து கொடுத்தாரா? என்பது பற்றி மதனிடம் விசாரணை நடத்தப்பட வேண்டியுள்ளது. மதனுக்கு 2 மனைவிகள் உள்ளனர். சென்னையை சேர்ந்த கீதாஞ்சலி, திருப்பூர் வர்ஷா ஆகியோரும் மதனுடன் நெருங்கிய தொடர்பில் இருந்தனர். இதனால் இவர்களது பெயரில் மதன் எங்காவது சொத்துக்களை வாங்கி குவித்துள்ளாரா? என்பது பற்றியும் போலீசார் விசாரணை நடத்த திட்டமிட் டுள்ளனர்.

அதே நேரத்தில் மதன் பெயரில் உள்ள சொத்துக்கள் பற்றியும் போலீசார் விசாரித்து வருகிறார்கள். வெளி மாநிலங்களில் தங்கி இருந்த போது உத்தரகாண்ட் மாநிலம் ரூர்கேயில் வீடு ஒன்றையும் மதன் வாங்கி இருக்கிறார். இப்படி வெளி மாநிலங்கள் பலவற்றிலும் மதன் சொத்துக்களை வாங்கி இருக்கலாம் என்றும் போலீசார் கருதுகிறார்கள்.

இதுதொடர்பாக விசாரிக்கவும், மோசடி பற்றிய பல்வேறு தகவல்களை திரட்டவும் மத்திய குற்றப்பிரிவு போலீசார் முடிவு செய்துள்ளனர். இதற்காக மதனை 10 நாள் காவலில் எடுக்க சைதாப்பேட்டை கோர்ட்டில் போலீசார் மனு செய்துள்ளனர். இந்த வழக்கு விசாரணை இன்று நடைபெற்றது.

இதற்காக சைதாப்பேட்டை கோர்ட்டில் மதன் இன்று ஆஜர்படுத்தப்பட்டார். புழல் சிறையில் இருந்து பாதுகாப்புடன் மதனை அழைத்து வந்த போலீசார் காலை 11 மணி அளவில் கோர்ட்டு வளாகத்துக்குள் அழைத்துச் சென்றனர். மதனை 10 நாள் காவலில் எடுப்பது தொடர்பான மனு விசாரணைக்கு எடுத்துக் கொள்ளப்பட்டது.

மோசடி தொடர்பாக மதனிடம் முழுமையாக விசாரணை நடத்த வேண்டி இருப்பதால் 10 நாட்கள் காவலுக்கு அனுமதிக்க வேண்டும் என்று போலீசார் கோர்ட்டில் தெரிவித்தனர். இதற்கு மதன் தரப்பில் ஆட்சேபம் தெரிவிக்கப்பட்டது. இருப்பினும், மதனை 7 நாள் போலீஸ் காவலில் வைத்து விசாரிக்க சைதாப்பேட்டை நீதிமன்றம் உத்தரவிட்டது. நவம் 29-ந் தேதி வரை அவரை போலீஸ் காவலில் வைத்து விசாரிக்கவுள்ளனர்.

போலீஸ் காவலின் போது, மதனிடம் மோசடி தொடர்பாகவும், சொத்துக்கள் தொடர்பாகவும் பல்வேறு கேள்விகளை கேட்க போலீசார் முடிவு செய்திருக்கிறார்கள். அப்போது மதனின் மோசடி வித்தைகள் பற்றி பல்வேறு புதிய தகவல்கள் வெளியாகும் என எதிர்பார்க்கப்படுகிறது.

கடந்த ஆட்சியில் 250 அரச நிறுவனங்கள் ஊடாக 600 பில்லியன் இழப்பு!

2014 ஆம் ஆண்டு ஐக்கிய மக்கள் சுதந்திர முன்னணியின் தலைமையிலான ஆட்சியின் போது 250 அரச நிறுவனங்களில் அதிக இழப்பு ஏற்ப்பட்டுள்ளதாக இன்றைய தினம் தகவல் வெளியிடப்பட்டுள்ளது.

இன்றைய தினம் நாடாளுமன்றத்தில் உரையாற்றிய அரச பொது முயற்சிகள் அபிவிருத்தி பிரதி அமைச்சர் எரான் விக்ரமரத்ன இதனை தெரிவித்துள்ளார்.

மேலும், இந்த 250 நிறுவனங்களின் மூலம் 600 பில்லியன் நட்டம் ஏற்ப்பட்டுள்ளதாகவும் அவர் தெரிவித்துள்ளார்.

அரசியல் தலையீடு மற்றும் முறையற்ற நிர்வாகம் காரணமாகவே இந்த இழப்பு ஏற்ப்பட்டுள்ளதாக அரச பொது முயற்சிகள் அபிவிருத்தி பிரதி அமைச்சர் எரான் விக்ரமரத்ன கூறியுள்ளார்.

மாத்தறை மாவட்ட நாடாளுமன்ற உறுப்பினர் புத்திக்க பத்திர எழுப்பிய கேள்விக்கு பதிலளிக்கும் போதே பிரதி அமைச்சர் மேற்கண்டவாறு குறிப்பிட்டுள்ளார்.

அஜித் பட இயக்குனர் திடீர் மரணம்

தமிழில் ‘சத்ரியன்’, ‘பிரம்மா’, ‘நினைவிருக்கும் வரை’, ‘ஏழையின் சிரிப்பில்’ உள்ளிட்ட பல வெற்றிப்படங்களை இயக்கியவர் கே.சுபாஷ். இவர் இன்று சென்னை எஸ்.ஆர்.மருத்துவமனையில் உடல் நலக் குறைவால் காலமானார். அவருக்கு வயது 57.

‘கலியுகம்’ படத்தின் மூலம் சினிமாவுக்கு அறிமுகமான கே.சுபாஷ், ஆரம்ப காலத்தில் அஜித்தை வைத்து ‘பவித்ரா’, ‘நேசம்’ என இரு படங்களை இயக்கியுள்ளார். தமிழில் கின்னஸ் சாதனைக்காக எடுக்கப்பட்ட ‘சுயம்வரம்’ படத்திலும் ஒரு இயக்குனராக பணியாற்றியுள்ளார். f47bc8f5-e1df-4272-b8e3-a77c262e7206_l_styvpf

123 படப்பிடிப்பின்போது படக்குழுவினருடன் இயக்குனர் கே.சுபாஷ்

இதுமட்டுமில்லாமல், இந்தியில் ஷாருக்கான் நடிப்பில் வெளிவந்த ‘சென்னை எக்ஸ்பிரஸ்’, ‘தில்வாலே’, ‘ஹவுஸ்புல்’ உள்ளிட்ட படங்களுக்கு எழுத்தாளராகவும் பணியாற்றியுள்ளார்.

இவர் தமிழில் கடைசியாக இயக்கிய படம் ‘123’. இப்படத்தில் நடன இயக்குனர்களான பிரபுதேவா, ராஜு சுந்தரம், நாகேந்திர பிரசாத் மூவரும் இணைந்து நடித்திருந்தனர். ஜோதிகா கதாநாயகியாக நடித்திருந்தார். இப்படம் கடந்த 2002-ஆம் ஆண்டு வெளிவந்தது என்பது குறிப்பிடத்தக்கது.62a85429-2224-4765-b979-13991872607b_l_styvpf

இயக்குனர் கே.சுபாஷ் தனது மனைவி, மகளுடன்

சுபாஷின் மரணம் தமிழ் திரையுலகில் பெரிய அதிர்ச்சியை ஏற்படுத்தியுள்ளது. அவருடைய மறைவுக்கு திரையுலகினர் பலரும் தங்களது ஆழ்ந்த இரங்கலை தெரிவித்து வருகின்றனர்.

கர்ப்ப காலத்தில் பொட்டாசிய சத்து மிகவும் அவசியம்!

கர்ப்பமாக இருக்கும் போது ஒவ்வொரு ஊட்டச்சத்தும் ஒவ்வொரு செயல்பாட்டிற்கு அவசியமானது. அதில் ஒன்று தான் பொட்டாசியம். கர்ப்ப காலத்தில் போதிய அளவில் பொட்டாசியம் உடலுக்கு கிடைக்க வேண்டும்.

ஏனெனில் பொட்டாசிய சத்தானது உடலில் எலக்ட்ரோலைட் சமநிலையைப் பராமரிக்கும் முக்கிய பணியை செய்கிறது. இச்சத்து சிசுவின் வளர்ச்சிக்கும் முக்கியமானது.

அதற்காக பொட்டாசிய சத்தை அளவுக்கு அதிகமாக எடுக்கக்கூடாது. அது ஹைபர்கலீமியாவை ஏற்படுத்திவிடும். எனவே சரியான அளவில் எடுக்க வேண்டும்.

இதர பணி பொட்டாசிய சத்து தசைகளைச் சுருக்கவும், நரம்புகள் முழுவதும் சமிக்ஞைகளைக் கடத்துவதும் பணியையும் செய்யும். மேலும் இது இரத்த அழுத்த அளவை சீராகப் பராமரிக்கவும் உதவும்.

கால் பிடிப்புகள் கர்ப்ப காலத்தில் இரத்தத்தின் அளவு அதிகரிக்கும் போது, உடலில் பொட்டாசிய சத்து போதுமான அளவில் இருந்தால், இரத்தத்தில் உள்ள கெமிக்கல்கள் சமநிலையுடன் இருக்கும்.

மேலும் பொட்டாசியம் கர்ப்ப காலத்தில் ஏற்படும் கால் பிடிப்புக்களைக் குறைக்கும். எவ்வளவு பொட்டாசியம் எடுக்க வேண்டும்? கர்ப்ப காலத்தில் ஒரு நாளைக்கு 4700 மிகி வரை பொட்டாசியம் எடுக்க பரிந்துரைக்கப்படுகிறது.

அதுவே தாய்ப்பால் கொடுப்பவர்களாக இருந்தால், ஒரு நாளைக்கு 5000 மிகி வரை உட்கொள்ளலாம்.உடலில் எப்போது பொட்டாசிய அளவு குறையும்?

கர்ப்ப காலத்தில் வயிற்றுப் போக்கு அல்லது வாந்தியால் அதிகம் கஷ்டப்பட்டால், உடலில் பொட்டாசியத்தின் அளவு குறைய ஆரம்பிக்கும்.

பொட்டாசிய குறைவாக இருந்தால் வெளிப்படும் அறிகுறிகள் கர்ப்ப காலத்தில் பொட்டாசியம் குறைவாக இருப்பின் சோர்வு, மலச்சிக்கல், உடல் பலவீனம், தசைப் பிடிப்புகள், மன இறுக்கம், வறட்சியான சருமம், தாழ் இரத்த அழுத்த பிரச்சனைகளை சந்திக்க நேரிடும்.

நீர் வீக்கம் கர்ப்பத்தின் 7-9 மாதங்களில் உடலில் பொட்டாசியம் மிகவும் குறைவாக இருந்தால், உடலில் நீர் வீக்கம் ஏற்படும். இம்மாதிரியான நேரங்களில் மருத்துவரை உடனே சந்தியுங்கள்.

அஞ்சுக்கு ஒண்ணு

நடிகர் அமர்
நடிகை மேகனா
இயக்குனர் ஆர்வியார்
இசை சாகித்யா ஆர்
ஓளிப்பதிவு நந்து
நாயகன் அமர், சித்தார்த் உள்ளிட்ட 5 பேர் சிறு வயதில் இருந்தே நண்பர்களாக இருக்கிறார்கள். இவர்கள் வளர்ந்து பெரியவர்களாகி ஒன்றாக கட்டிட வேலை செய்கின்றனர். இவர்களுடைய மேஸ்திரி சிங்கம் புலி. இவர்கள் ஐந்து பேரும் எதை செய்தாலும் சேர்ந்தேதான் செய்வார்கள்.

இவர்களுடன் கட்டிட வேலைக்கு நாயகி உமாஸ்ரீ வருகிறாள். சித்தார்த்துக்கு அந்த பெண் மீது காதல் வருகிறது. இருவரும் திருமணம் செய்துகொள்ள நினைக்கின்றனர். 5 நண்பர்களிடையே ஒரு பெண் குறுக்கிட்டதால், நட்பில் விரிசல் ஏற்படுகிறது. இவர்களை ஒன்றுசேர்க்கவும், அவர்களை திருத்தி நல்வழிக்கு கொண்டு வரவும் நாயகி முயற்சி செய்கிறாள்.

இந்த முயற்சியில் நாயகிக்கு வெற்றி கிடைத்ததா? நண்பர்கள் அனைவரும் ஒன்றாக இணைந்தார்களா? என்பதே மீதிக்கதை.

சித்தார்த் சிறப்பான நடிப்பை வெளிப்படுத்தி இருக்கிறார். காதலியின் அன்புக்கும், நண்பர்களின் நட்புக்கும் இடையே சிக்கித் தவிப்பதை பிரதிபலிக்கிறார். நாயகி உமாஸ்ரீயை சுற்றி கதை நகர்கிறது. அந்த பாத்திரமாகவே அவர் மாறி இருக்கிறார்.  அமரின் காதலியாகவும், முதலாளியின் மகளாகவும் வரும் மேக்னா கச்சிதம். கட்டிட மேஸ்திரி சிங்கம் புலி, ரசிக்க வைக்கிறார். முத்துக்காளை, உமா, கசாலி, ஷர்மிளா உள்ளிட்ட மற்றவர்களும் யதார்த்தமாக நடித்திருக்கிறார்கள்.

ஐந்து நண்பர்கள் இடையில் ஒரு பெண் வந்தால் என்ன பிரச்சினைகள் வரும் என்பதை தெளிவாக எடுத்து சொல்லியிருக்கிறார் இயக்குனர் ஆர்வியார். அந்த பெண் நம்பிக்கை வைத்து, அவர்களின் வாழ்க்கையை மாற்றி அழகாக்குவது கதைக்கு பலம். மழைக்காலத்தில் கட்டிடத் தொழிலாளர்கள் படும் கஷ்டங்களை அருமையாக காட்டியுள்ளார்.

காட்சிகள் திருப்பம் இல்லாமல் நகர்ந்தாலும், கிளைமாக்ஸ் எதிர்பாராதது. நண்பர்களின் கதையை இன்னும் ஆழமாக சொல்லி இருந்தால் படம் ஐந்தில் ஒன்றாக பேசப்பட்டிருக்கும். முதல்பாதியில் இன்னும் கொஞ்சம் கவனம் செலுத்தியிருந்தால் கூடுதலாக ரசித்திருக்கலாம். என்றாலும், கட்டிட கூலி தொழிலாளர்கள் வாழ்க்கையை யதார்த்தமாக பதிவு செய்திருப்பது புதிய முயற்சி.

சாகித்யா இசையில் பாடல்களை ரசிக்கலாம். பின்னணியும் பரவாயில்லை. நந்து ஒளிப்பதிவில் காட்சிகள் தெளிவு.

மொத்தத்தில் ‘அஞ்சுக்கு ஒண்ணு’ வித்தியாசமான சிந்தனை.

கருமையான முகம் ஜொலிக்க வேண்டுமா? ஆண்களுக்கான எளிய ஃபேஸ் ஸ்கரப்கள்!

முகம் கருமையடையாமல் இருக்க வேண்டுமானால், தினமும் சருமத்திற்கு ஏதேனும் ஒரு பராமரிப்புக்களைக் கொடுத்து வர வேண்டும். அப்படி சருமத்தை தினமும் பராமரிக்க ஓர் சிறந்த வழி என்றால் அது ஸ்கரப் செய்வது தான்.

ஸ்கரப் செய்வதன் மூலம் சருமத்தில் இருக்கும் இறந்த செல்கள் மற்றும் அழுக்குகளை முழுமையாக வெளியேற்றி, முகத்தின் பொலிவை தக்க வைக்கலாம். பெண்களை விட ஆண்களின் முகத்தில் இதை பயன்படுத்துவதன் மூலம் பலன் பெறலாம்.

வாழைப்பழ ஸ்கரப்:

2 நன்கு கனிந்த வாழைப்பழத்தை மசித்து, அத்துடன் சிறிது சர்க்கரை மற்றும் 1 டேபிள் ஸ்பூன் தேன் சேர்த்து கலந்து, முகத்தில் தடவி 5 நிமிடம் ஸ்கரப் செய்து, பின் குளிர்ந்த நீரில் முகத்தைக் கழுவ வேண்டும். இப்படி செய்து வந்தால், முகத்தில் அழுக்குகள் சேர்ந்து கருமையாக காட்சியளிப்பதைத் தவிர்க்கலாம்.

எலுமிச்சை ஸ்கரப்:

எலுமிச்சை ஸ்கரப் முகத்தை விட கை, கால்களுக்கு நல்லது. முகம் மிகவும் சென்சிடிவ்வான பகுதி என்பதால், அங்கு அமிலம் நிறைந்த எலுமிச்சையைப் பயன்படுத்தினால், அதனால் ஏதேனும் பக்க விளைவுகள் ஏற்படலாம்.

இந்த ஸ்கரப் செய்வதற்கு எலுமிச்சையை பாதியாக வெட்டி, சர்க்கரையில் தொட்டு கை, கால்களில் 5-7 நிமிடம் தேய்த்து, பின் வெதுவெதுப்பான நீரில் கழுவ வேண்டும். இதனால் கை, கால்களில் உள்ள கருமைகள் அகலும்.

தயிர் மற்றும் பப்பாளி ஸ்கரப்:

கனிந்த பப்பாளியை சிறிது மசித்து 1/2 கப் எடுத்து, அத்துடன் 2 டேபிள் ஸ்பூன் தயிர், 4 துளிகள் எலுமிச்சை சாறு, 1 டேபிள் ஸ்பூன் தேன் கலந்து, முகத்தில் தடவி 5-7 நிமிடம் மசாஜ் செய்து, குளிர்ந்த நீரில் கழுவ வேண்டும்.

ஆரஞ்சு மற்றும் தேன் ஸ்கரப்:

2 டேபிள் ஸ்பூன் ஆரஞ்சு தோலின் பொடி மற்றும் ஓட்ஸ் பொடியுடன், தேன் கலந்து பேஸ்ட் செய்து, முகத்தில் தடவி 5 நிமிடம் மென்மையாக ஸ்கரப் செய்து, குளிர்ந்த நீரில் கழுவ வேண்டும். இதனாலும் சருமத்தில் இருக்கும் அழுக்குகள் வெளியேற்றப்பட்டு, கருமை அடையாமலும் இருக்கும்.

ஓட்ஸ் மற்றும் தக்காளி ஸ்கரப்:

ஓட்ஸ் பொடி, சர்க்கரை பவுடர் மற்றும் நன்கு கனிந்த தக்காளி பேஸ்ட் ஆகியவற்றை ஒன்றாக கலந்து, முகம் மற்றும் கழுத்தில் தடவி 5 நிமிடம் ஸ்கரப் செய்து, குளிர்ந்த நீரில் கழுவ வேண்டும்.

சந்தனம் மற்றும் குங்குமப்பூ ஸ்கரப்:

2 டேபிள் ஸ்பூன் சந்தனப் பொடியுடன், 1 டீஸ்பூன் குங்குமப்பூ மற்றும் சிறிது ரோஸ் வாட்டர் சேர்த்து கலந்து பேஸ்ட் செய்து, முகத்தில் தடவி சிறிது நேரம் மசாஜ் செய்து, 10 நிமிடம் கழித்து குளிர்ச்சியான நீரில் கழுவவும். இதனால் முகத்தில் உள்ள கருமை நீங்கி, பொலிவோடும், புத்துணர்ச்சியுடனும் காணப்படும்.

1...3,8193,8203,821...3,919Page 3,820 of 3,919
© Copyright ©2015 NetriGun.com - All Rights Reserved.