ஜேர்மனியில் 82 வயது முதியவர் ஒருவரின் விவசாய தோட்டத்தில் கேரட்டுடன் சேர்ந்து தங்க மோதிரம் முளைத்துள்ளது.
82 வயதான இந்த முதியவர் கடந்த 3 வருடங்களுக்கு முன்னர் தனது விவசாய தோட்டத்தில் வேலை பார்த்துக்கொண்டிருக்கையில் இவரது திருமண மோதிரம் கழன்று கீழே விழந்துள்ளது.
தொலைந்துபோன மோதிரத்தை பலமுறை தேடியும் இவரால் கண்டுபிடிக்கமுடியவில்லை. மோதிரம் தொலைந்த 6 மாதங்களுக்கு பின்னர் இவரது மனைவி இறந்துவிட்டார்.
இந்நிலையில், தனது தோட்டத்தில் கேரட்டினை பயிரிட்டிருந்த இவர், அதனை அறுவடை செய்துகொண்டிக்கையில் இன்ப அதிர்ச்சி அடைந்துள்ளார். ஏனெனில் தான் அறுவடை செய்த கேரட்டோடு சேர்த்து இந்த தங்க மோதிரமும் முளைத்திருந்தது.
மோதிரத்தை கையில் எடுத்த அவர் மிகுந்த சந்தோஷம் அடைந்தார். இந்த மோதிரம் திரும்ப கிடைத்தது இறந்துபோன எனது மனைவி மீண்டும் என்னுடன் இணைந்துள்ளது போன்று இருக்கிறது என கூறியுள்ளார்.
கடந்த 2011 ஆம் ஆண்டு ஸ்வீடன் நாட்டில் இதுபோன்று கேரட்டுடன் முளைத்த மோதிரம் கண்டெடுக்கப்பட்டது குறிப்பிடத்தக்கது.
