தொப்பை கொழுப்பு, உடல் எடையைக் குறைக்க நினைப்பவர்கள் காலை உணவாக எடுத்துக் கொள்ள வேண்டிய உணவுகளை தெரிந்து கொள்வோம்.
காலை உணவு
காலை உணவு நமது நாளின் மிக முக்கியமான உணவாக கருதப்படுகின்றது. இது நாள் முழுவதும் உடலுக்கு தேவையான ஆற்றலை வழங்குவது மட்டுமல்லாமல், எடையை குறைக்கவும் உதவும்.
ஆரோக்கியமான காலை உணவை உட்கொள்வது வளர்சிதை மாற்றத்தை அதிகரிக்கவும், எழை இழப்பிற்கு உதவுகின்றது.
உடல் எடையை குறைக்க நினைப்பவர்கள் தங்கள் காலை உணவில் குறைந்த கலோரி மற்றும் சத்தான உணவுகளைச் சேர்க்க வேண்டும்.
தொப்பை கொழுப்பை குறைத்து உடல் எடையை குறைக்க உதவும் சத்தான காலை உணவுகள் பற்றி இந்த பதிவில் காணலாம்.
ஓட்ஸ்
காலை உணவாக ஓட்ஸ் எடத்துக் கொள்வது எடை இழப்பிற்கு மிகவும் நன்மை அளிக்கின்றது. புரதம் மற்றும் நார்ச்சத்து நிறைந்து காணப்படுவதால், நீண்ட நேரம் வயிறு நிரம்பிய உணர்வை அளிக்கும். இது எடை குறைக்க உதவும். காலை உணவில் இட்லி, கிச்சடி வடிவில் ஓட்ஸை உட்கொள்ளலாம்.
காய்கறி சாலட்
காலையில் பல வித காய்கறிகள் கலந்த சாலட் உண்பது உடல் இழப்பிற்கு உதவுவதுடன், உடல் ஆரோக்கியத்தையும் மேம்படுத்துகின்றது. இது உடலில் கலோரி அளவை அதிகரிக்காமல் தேவையான ஊட்டச்சத்தை அளிப்பதுடன், நாள் முழுவதும் உடல் சுறுசுறுப்பாக இருக்கவும் உதவுகின்றது.
முட்டை
புரதத்தின் சிறந்த மூலமாக இருக்கும் முட்டை, தசைகளை வலுப்படுத்துவதுடன், உடை இழப்பிலும் உதவுகின்றது. காலை உணவாக வேக வைத்த முட்டை, ஆம்லெட் அல்லது முட்டை புர்ஜியை சாப்பிடலாம். ஆனால் குறைந்த எண்ணெய்யை பயன்படுத்தி ஆம்லெட், முட்டை புர்ஜி செய்து சாப்பிடவும்.
