தினமும் ஒரு செவ்வாழை சாப்பிடுவதால் ஏராளமான நன்மைகள் இருக்கும் நிலையில் அவற்றில் சிலவற்றை தற்போது பார்ப்போம்.
பொதுவாக வாழைப்பழத்தில் எண்ணற்ற சத்துக்கள் அடங்கியுள்ளது. செரிமானத்தை மேம்படுத்த உதவுவதுடன், வயிறு சம்பந்தமாக நோய்களுக்கும் மருந்தாக இருக்கின்றது.
வாழைப்பழத்தில் பல வகைகள் உள்ள நிலையில், தற்போது செவ்வாழை பழத்தினை தினமும் ஒன்று நாம் சாப்பிட்டு வந்தால் என்னென்ன நன்மைகள் என்று தெரிந்து கொள்வோம்.
நன்மைகள் என்ன?
தினமும் ஒரு செவ்வாழைப் பழம் சாப்பிட்டு வந்தால் உடல் எடை குறையுமாம். ஏனெனில் மற்ற பழங்களை விட செவ்வாழையில் குறைவான கலோரி அளவு மற்றும் அதிகமான நார்ச்சத்து காணப்படுவதே காரணமாகும்.
செவ்வாழைப்பழத்தில் அதிக அளவு பொட்டாசியம் காணப்படுவதால், சிறுநீரகத்தில் கற்கள் உருவாகாமல் தடுக்கின்றது.
ரத்த ஓட்டத்தை மேம்படுத்துவதால் சருமம் ஆரோக்கியமாக இருக்கும். இதில் 75 சதவீதம் நீர் மற்றும் ஆன்டி-ஆக்ஸிடென்டுகள் உள்ளதால், சருமத்திற்கு தேவையான ஈரப்பதம் கிடைக்க உதவுகிறது.
செவ்வாழைப் பழத்தில் உள்ள வைட்டமின் B6, ரத்தத்தின் தரத்தை மேம்படுத்தி ஹீமோகுளோபின் அளவை அதிகரிக்கிறது.
செவ்வாழைப் பழடத்தை தேங்காய், எள் அல்லது பாதாம் எண்ணெய்யுடன் கலந்து தலையில் தேய்த்தால் தலைமுடியில் பொடுகு நீங்குவதுடன், வறட்சியும் குறைகின்றது.
