பிரபாஸ் நடிப்பில் கடந்த 2023ஆம் ஆண்டு ராமாயணம் கதையை மையமாக கொண்டு ஆதிபுருஷ் எனும் திரைப்படம் வெளிவந்தது. இப்படம் எதிர்பார்த்த வரவேற்பை பெறவில்லை.
ராமாயணம்
இதை தொடர்ந்து தற்போது நிதிஷ் திவாரி இயக்கத்தில் ராமாயணம் கதையை வைத்து மீண்டும் ஒரு படம் உருவாகி வருகிறது. இப்படத்தில் ராமராக ரன்பீர் கபூர் நடிக்க சீதையாக சாய் பல்லவி நடிக்கிறார்.
சமீபத்தில் தான் இப்படத்தின் படப்பிடிப்பு தளத்தில் இருந்து புகைப்படம் லீக்கானது. மேலும் இப்படத்தில் ராவணன் கதாபாத்திரத்தில் கே ஜி எப் திரைப்படத்தின் மூலம் பிரபலமான யாஷ் நடிக்கிறார்.
தடைபட்ட படப்பிடிப்பு
இந்த நிலையில், ராமாயணம் திரைப்படத்தின் படப்பிடிப்பு தடைபட்டு நின்றுள்ளது. காப்புரிமை பிரச்சனை காரணமாக தான் இப்படத்திற்கு சிக்கல் ஏற்பட்டுள்ளது என தகவல் வெளியாகியுள்ளது.
ராமாயணம் திரைப்படத்திற்கான காப்புரிமை தங்களிடம் இருப்பதாகவும், அதை மீறி யாரும் படத்தை எடுக்க கூடாது என்றும் தயாரிப்பாளர் மது மன்டோனா எதிர்ப்பு தெரிவித்துள்ளார்.
இதுதொடர்பாக ராமாயணம் படக்குழுவிற்கு அவர் நோட்டீஸ் அனுப்பி இருக்கிறாராம். இதனால் தான் தற்போது ராமாயணம் படத்தின் படப்பிடிப்பு தடைப்பட்டுள்ளது.
