பிக் பாஸ் 5 நாமினேஷனில் இந்த வாரம் ஒன்பது போட்டியாளர்கள் இருந்த நிலையில் தற்போது கமல் 4 பேரை காப்பாற்றி இருக்கிறார்.
பிக் பாஸ் 5ல் இந்த வாரம் யார் வெளியே போகிறார்கள் என்கிற கேள்விக்கு பதில் கிடைத்துவிட்டது. இந்த வாரம் மொத்தம் ஒன்பது போட்டியாளர்கள் நாமினேட் ஆகி இருந்தனர். அவர்களில் நான்கு பேரை கமல் சனிக்கிழமை எபிசோடில் காப்பாற்றிவிட்டார்.
முதலில் தாமரை மற்றும் இசைவாணி ஆகியோரை தான் கமல் காப்பாற்றினார். கடந்த வார டாஸ்கில் அவர்களை காப்பாற்ற தான் விளையாடுகிறோம் என சொல்லி அபிஷேக் உள்ளிட்ட சிலர் கேமை குழப்பியது குறிப்பிடத்தக்கது. மற்றவர்களை கெஞ்சாமல் நீங்கள் உங்கள் கேமை விளையாடுங்கள் என கமல் அவர்களுக்கு அட்வைஸ் கொடுத்தார்.
அதன் பின் அக்ஷரா மற்றும் பாவனி ஆகியோர் இடையே இருக்கும் சண்டை பற்றி பேசிய கமல், அவர்கள் இருவரும் கூட காப்பாற்றப்பட்டதாக அறிவித்தார். நாமினேஷன் லிஸ்டில் மீதம் இருக்கும் 5 போட்டியாளர்களில் ஒருவர் ஞாயிற்றுக்கிழமை எபிசோடில் வெளியேற்றப்படுவார் என கமல் தெரிவித்தார்.
தற்போது வந்திருக்கும் தகவல்களின் படி இந்த வாரம் அபிஷேக் ராஜா தான் எலிமினேட் ஆகி இருக்கிறார் என தெரிகிறது.
