பிராஷாந்த் நீல் இயக்கத்தில் ராக் ஸ்டார் யஷ் நடிப்பில் பிரம்மாண்டமாக உருவான கே.ஜி.எஃப் படத்திற்கு நல்ல வரவேற்பு கிடைத்துள்ளது. இன்று வரை திரையரங்குகளில் வெற்றிகரமாக ஓடி வருகின்றது. இப்படம் கன்னடம், தமிழ், தெலுங்கு, மலையாளம், இந்தி ஆகிய ஐந்து மொழிகளில் திரைப்படம் வெளியானது.
கன்னட சினிமா மட்டுமின்றி, தமிழ், தெலுங்கு, மலையாளம், இந்தி என பல்வேறு மொழிகளிலும் படம் வசூல் குவித்துள்ளது. இந்த திரைப்படத்தின் வசூலை கண்டு கன்னட திரை உலகமே கதிகலங்கி போய் உள்ளது. கே.ஜி.எஃப் படம் பாகுபலியை விட நன்றாக எடுக்கப்பட்டுள்ளதாக பேசப்பட்டது.
கன்னட பாக்ஸ் ஆபிஸில் 129 கோடி வசூல் செய்துள்ள படம் பாகுபலி 2 ஆகும். இதனை கே.ஜி.எஃப் படம் முறியடித்தது. கே.ஜி.எஃப் படத்தின் இரண்டாவது பாகத்திற்கான படப்பிடிப்பு பூஜையுடன் சில நாட்கள் முன்பு துவங்கியது. பூஜையில் பிரசாந்த் நீல், யஷ், ஸ்ரீநிதி ஷெட்டி உள்ளிட்ட படக்குழுவினர் பலரும் கலந்து கொண்டனர்.
தற்போது 75 சதவீத படப்பிடிப்பு முடிவடைந்த நிலையில், ரசிகர்கள் மத்தியில் மிகுந்த எதிர்பார்ப்பு இருந்து வந்தது. இந்நிலையில், கே.ஜி.எஃப் – 2 ஃபர்ஸ்ட் லுக் போஸ்டரை படக்குழு வெளியிட்டுள்ளது.
