பிரான்சில் வரும் நவம்பர் மாதம் முதல் திகதி சிகரெட் பெட்டி விலையில் மாற்றம் வரும் என்று அறிவிக்கப்பட்ட நிலையில், அதன் விலைகள் குறித்து தகவல் வெளியாகியுள்ளது.
கடந்த ஆண்டே சிகரெட் பெட்டியின் விலை வரும் 2020-ஆம் ஆண்டில் €10 களாக இருக்கும் என அறிவிக்கப்பட்டிருந்தது.
அதன் பின் சில மாத கால இடைவெளியில் விலை அதிகரிக்கப்பட்டு வந்திருந்தது.
இந்நிலையில், நேற்று நவம்பர் 1-ஆம் திகதி சிகரெட் பெட்டி ஒன்றின் விலை €0.50 என அதிகரிக்கப்பட்டுள்ளது.
அதன் படி Winston சிகரெட் பெட்டியின் விலை €8.50 இல் இருந்து €9 களாக அதிகரிக்கப்பட்டுள்ளது. Marlboro Red சிகரெட் பெட்டி ஒன்றினது விலை €8.80 இல் இருந்து €9.30 ஆக அதிகரிக்கப்பட்டுள்ளது.
ஜப்பானிய தயாரிப்பாளர்களான Camel filter சிகரெட் பெட்டியின் விலை €8.60 இல் இருந்து €9.10 ஆக விலை அதிகரிக்கப்பட்டுள்ளது.
பிரான்ஸ் மற்றும் பிரித்தானிய தயாரிப்பாளர்களான Gauloises blondes நிறுவனத்தின் சிகரெட் பெட்டி ஒன்று €8.50 இல் இருந்து €9 களாக அதிகரிக்கப்பட்டுள்ளது.
இந்த விலையேற்றம் மார்ச் 1, 2018 ஆம் ஆண்டு ஆரம்பிக்கப்பட்டிருந்தது. அதில் இருந்து தற்போது வரை 9.32 வீதத்தால் சிகரெட் விற்பனை வீழ்ச்சியடைந்துள்ளது குறிப்பிடத்தக்கது.
