பாண்டிராஜ் இயக்கத்தில் நடிகர் சிவகார்திகேயன் நடிப்பில் உருவாகி வரும் ‘நம்ம வீட்டு பிள்ளை’ படத்தின் வெளியீட்டு புரோமோ வெளியாகியுள்ளது.
டி.இமான் இசையமைப்பில் இத்திரைப்படத்தின் பாடல்கள் வெளியாகி ரசிகர்களிடம் நல்ல வரவேற்பைப் பெற்று வருகிற நிலையில், சன் பிக்சர்ஸ் நிறுவனம் தயாரிப்பில், நிரவ் ஷா ஒளிப்பதிவில் இந்த திரைப்படம் வரும் 27 ஆம் திகதி வெளியாகவுள்ளது.
இதனை அடுத்து தற்போது இந்த படத்தின் சென்சார் வேலைகள் நிறைவடைந்து படத்திற்கு ‘யூ’ தரச்சான்றிதழ் கிடைத்துள்ளது.
பாண்டிராஜ் இயக்கத்தில் ‘மெரினா’, ‘கேடி பில்லா கில்லாடி ரங்கா’ படத்தில் நடித்த சிவகார்த்திகேயன் தற்போது மூன்றாவது முறையாக இணைந்துள்ளார்.
இந்த படத்தில் சிவகார்த்திகேயனுக்கு ஜோடியாக அனு இம்மானுவேல் நடித்துள்ளார். அனு இம்மானுவேல் ஏற்கனவே மிஷ்கின் இயக்கிய ‘துப்பறிவாளன்’ படத்தில் விஷாலுக்கு ஜோடியாக நடித்திருந்தார்.
அதேநேரம் ஐஸ்வர்யா ராஜேஷ் முக்கிய வேடத்தில் நடித்துள்ளார்.
இவர்களுடன் பாரதிராஜா, சமுத்திரக்கனி, அனு இமாணுவேல், ஐஸ்வர்யா ராஜேஷ், யோகிபாபு, சூரி, நட்டி நட்ராஜ், ஆர்கே சுரேஷ் என ஒரு நட்சத்திர பட்டாளமே நடித்துள்ளனர்
