தலைமுடிக்கு தொடர்ந்து கெமிக்கல் நிறைந்த ஷாம்புக்களை பயன்படுத்தி வருவதால், முடி வறட்சி, முடி உதிர்தல், அரிப்பு போன்ற பல பிரச்சனைகளை சந்திக்க நேரிடுகிறது.
இத்தகைய பிரச்சனைகளை தீர்க்க இயற்கை பொருட்கள் மட்டுமே மிகச்சிறந்த தீர்வாக அமையும்.
தேவையான பொருட்கள்
- முட்டை – 1
- விளக்கெண்ணெய் – 2 டேபிள் ஸ்பூன்
- தேன் – 1 டேபிள் ஸ்பூன்
செய்முறை
முட்டை, விளக்கெண்ணெய் மற்றும் தேன் ஆகிய மூன்று பொருட்களையும் ஒன்றாக கலந்து, முடியில் தடவி நன்றாக மசாஜ் செய்ய வேண்டும்.
பின் 1-2 மணிநேரம் வரை ஊற வைத்து, முடியை நன்றாக கழுவ வேண்டும், இம்முறையை வாரத்தில் ஒருமுறை செய்தாலே நல்ல பலனைக் காணலாம்.
நன்மைகள்
- முட்டையின் வெள்ளைக்கருவில் உள்ள விட்டமின் A, B, D, E முடி உதிர்வு மற்றும் பொடுகு பிரச்சனைகளுக்கு தீர்வாக உள்ளது.
- தேன் முடியை மிருதுவாக்கி, முடி வறட்சி, பொடுகு போன்ற பிரச்சனைகள் வராமல் தடுக்கிறது.
- விளக்கெண்ணெய் ரத்த ஓட்டத்தை அதிகரிக்க செய்து, முடி வளர்ச்சியை அதிகரிக்க உதவுகிறது.
குறிப்பு
மேற்கூறப்பட்டுள்ள முறையை பின்பற்றுவதோடு மட்டுமின்றி ஆரோக்கியமான உணவுகள், சத்தான சரிவிகித உணவுகள் ஆகியவற்றை சாப்பிட வேண்டும்.
