2 சிறுமிகளை பாலியல் பலாத்காரம் செய்த 11பேர் ..!!

பலோதபஜார் பகுதியில் இரண்டு சிறுமிகள் 11 பேரால் பாலியல் பலாத்காரம் செய்யப்பட்டு, வீடியோ எடுத்து மிரட்டப்பட்ட கொடூரம் அதிர்ச்சியை ஏற்படுத்தியுள்ளது.

இந்தியாவின் சத்தீஸ்கர் மாநிலத்தில் உள்ள பலோதபஜார் பகுதியை சார்ந்த அக்கா தங்கையான இரண்டு சிறுமிகள் வசித்து வந்துள்ளனர். இவர்களில் அக்காவிற்கு 16 வயதும், தங்கைக்கு 14 வயதும் ஆகிறது.

இவர்கள் இருவரும் தங்களின் நண்பர்களுடன் கடந்த மே மாதம் 24 ஆம் தேதியன்று அங்குள்ள புறநகர் சாலையில் நடந்து சென்று கொண்டு இருந்துள்ளனர். இந்த நேரத்தில், இவர்களை இரண்டு சிறுவர்கள் உட்பட 11 பேர் கொண்ட கும்பல் இடைமறித்துள்ளது.

இந்த கும்பல் சிறுமிகளின் நண்பர்களை தாக்கி விரட்டியடித்துள்ளனர். பின்னர் சிறுமிகள் இருவரையும் வலுக்கட்டாயமாக தூக்கி சென்று, சாலையோர காட்டுப்பகுதியில் வைத்து 11 பெரும் சேர்ந்து கூட்டுப்பாலியல் பலாத்காரம் செய்துள்ளனர்.

பின்னர் இதனை விடியோவாகவும் பதிவு செய்து, இந்த விஷயம் குறித்து வெளியே கூறினால் விடியோவை சமூக வலைத்தளத்தில் பதிவு செய்திடுவோம் என்றும் மிரட்டியுள்ளனர். இதனால் பயந்துபோன அக்கா – தங்கை இருவரும் கடந்த 3 மாதமாக கடுமையான அளவு மனதளவில் பாதிக்கப்பட்டுள்ளனர்.

இதனையடுத்து கடந்த சில நாட்களுக்கு முன்னதாக தங்களின் மனக்குமுறலை குழந்தைகள் நல அமைப்பு மையத்திற்கு தெரியப்படுத்தியுள்ளனர். இதனைக்கேட்டு அதிர்ச்சியடைந்த அதிகாரிகள் தாமாக முன்வந்து விசாரணை மேற்கொண்டு, அங்குள்ள காவல் நிலையத்தில் புகார் அளித்துள்ளனர்.

இது குறித்த புகாரை ஏற்ற காவல் துறையினர் வழக்குப்பதிவு செய்து விசாரணை மேற்கொண்டு, 2 சிறுவர்கள் உட்பட 11 பேரை கைது செய்து சிறையில் அடைத்துள்ளனர். இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.