ரூபா டொலருக்கு எதிராக பாரிய வீழ்ச்சி!

அமெரிக்க டொலருக்கு எதிராக இலங்கை ரூபாய் பாரிய வீழ்ச்சியை சந்தித்துள்ளதாக இலங்கை மத்திய வங்கி அறிக்கை சுட்டிக்காட்டியுள்ளது.

அமெரிக்க டொலர் ஒன்றின் விற்பனை விலை நேற்று முதல் முறையாக 156 ரூபாவை கடந்துள்ளதாக தெரிவிக்கப்படுகின்றது.

இலங்கை மத்திய வங்கி வெளியிட்டுள்ள புதிய பண பரிமாற்ற விகித மதிப்புகளுக்கமைய இந்த தகவல் வெளியாகியுள்ளது.

அதற்கமைய 156.13 ரூபாய் வரை டொலர் பெறுமதி அதிகரித்து காணப்பட்டுள்ளது.

கடந்த பெப்ரவரி மாதம் 2ஆம் திகதி அமெரரிக்க டொலர் ஒன்றின் விற்பனை விலை 155.94 ரூபாயாக காணப்பட்டுள்ளது.

நாட்டிலுள்ள முதலீட்டாளர்களுக்கான டொலர் தேவை அதிகரித்தமையே இந்த வீழ்ச்சிக்கான காரணம் என சுட்டிக்காட்டப்பட்டுள்ளது.